Արդյո՞ք Իրանը առաջ է մղելու իր միջուկային ծրագիրը՝ Իսրայել-«Համաս» հակամարտության ֆոնին
Պատմություն
Դիտորդների խոսքով, մերձավորարևելյան ներկայիս հակամարտությունը վերջ է տվել Իրանի միջուկային ծրագրի շուրջ ստեղծված լարվածությունը թուլացնելու հույսերին, որոնք ծագել էին իրանական բանտից ամերիկացիների ազատ արձակումից հետո, գրում է Ամերիկայի Ձայնը։
Մերձավոր Արևելքում կտրուկ սրված իրավիճակի՝ Իսրայելի դեմ «Համասի» հարձակման, ի պատասխան՝ իսրայելական ռազմուժի կողմից Գազայի շարունակվող ռմբակծության ֆոնին՝ անորոշություն է առաջացել Իրանի միջուկային ծրագրի շուրջ։ Արևմուտքը Թեհրանին դիտարկում է որպես «Համասի» գլխավոր աջակից, և խմբավորման հարձակումը հրեական պետության դեմ հետին պլան է մղել Թեհրանի հետ արևմտյան երկրների հարաբերությունների կարգավորումը։
Արևմուտքում Իրանն ընկալվում է որպես «Համասի» գլխավոր աջակից, թեև Թեհրանին ոչ ոք ուղղակի չի մեղադրում Իսրայելի դեմ իրականացրած հոկտեմբերի 7-ի հարձակմանը մասնակից լինելու մեջ։
Մինչ Մերձավոր Արևելքում իրավիճակի սրվելը՝ Արևմուտքի և Իրանի հարաբերությունները զգուշավոր բարելավվում էին: Այս սեպտեմբերին Վաշինգտոնն ու Թեհրանը գերիների ազատ արձակման գործարք կնքեցին, ինչի դիմաց ապասառեցվեցին 6 միլիարդ դոլարի հասնող իրանական ակտիվները, թեև նշված միջոցները վերստին սառեցվել են։
«Հոկտեմբերի վերջին հնարավորություն կար Իրանի և ԱՄՆ-ի միջև ուղիղ բանակցություններ վարել Օմանում։ Բայց, կարծում եմ, այժմ այն անհնար է, և քաղաքական որևէ հնարավորություն չկա՝ երկու երկրների անմիջական ներգրավվածության համար»,- ասում է Միջազգային ճգնաժամային խմբի Իրանի գծով վերլուծաբան Ալի Վայեզը:
Միացյալ Նահանգները դուրս եկավ այդ համաձայնությունից 2018 թվականին, իսկ Իրանը դադարեցրեց իր պարտավորությունների կատարումը:
Մանրամասն՝ սկզբնաղբյուր կայքում։
1
498 դիտում
2
361 դիտում
3
313 դիտում
4
300 դիտում
5
260 դիտում
1
3099 դիտում
2
1427 դիտում
3
824 դիտում
4
718 դիտում
5
594 դիտում
2
2979 դիտում
3
2606 դիտում
4
2474 դիտում
5
1746 դիտում
