«Քաղաքում ոչ մի անմշակ ու փնթի տարածք օտարի աչքը չպետք է նկատի». Ռ. Ասատրյան

Գրող, հրապարակախոս ՌՈՒԶԱՆ ԱՍԱՏՐՅԱՆՆ անդրադառնալով սեպտեմբերի 23-ին կայանալիք Երեւանի ավագանու ընտրություններին՝ նշում է, որ եթե ինքը լիներ քաղաքապետ, ապա կքներ ընդամենը չորս ժամ, ապա մանրամասնում է. «Վաղ առավոտյան՝ ժամը՝ 5-ին մեքենայով, ոտքով կշրջեի քաղաքով, որտեղ մի թուղթ տեսա գետնին ընկած, մի անօրինական կտրված ծառ, ժամը՝ 9-ին աշխատանքից կազատեի տվյալ տարածքի բոլոր պատասխանատուներին...քաղաքում ոչ մի անմշակ ու փնթի տարածք օտարի աչքը չպետք է նկատի: Կստուգեի բոլոր գետնուղիներն ու սեփականաշնորհված, թալանված, կողպված դատարկ տարածքները, կզրկեի նրանց տերերին սեփականության իրավունքից եւ անմիջապես կտայի այն անհատ գործարարներին, դրսից եւ ներսից, որոնց համապատասխան ժամկետում կտրվեր քաղաքի շնչառությունը բաց անելու հնարավորություն…Կարգելեի քաղաքում բարձրահարկ շենքերի աճը, եթե մի թիզ հող մնացած լինի կվերածեի կանաչ գոտու եւ խաղահրապարակների: Քաղաքն ընդարձակելու նպատակով, դեպի Էջմիածին գնացող մայրուղու աջ հատվածում կհիմնեի նոր միկրոշրջան, հետագայում այն միացնելով քաղաքին»: 

Քաղաքապետ լինելու դեպքում՝ Ռ. Ասատրյանն ընդգծում է, որ քաղաքապետարանի ենթակայության տակ կվերցներ տրանսպորտի, սոցիալական՝ Վիոլա ջրից մինչեւ անօգնական ծերերի, գործազուրկների, միայնակ մայրերի եւ այլ կարիքավորների մարդկային ապրելակերպին հարիր խնդիրների լուծումը՝ ըստ քաղաքի վաղուց արդեն անգործության մեջ ժանգոտված շրջանների եւ կոնկրետ ժամկետներով, օրով, ժամով կպահանջեր լուծում եւ արդյունք. «ժամկետը խախտելու, հանձնարարականը չկատարելու դեպքում, նրանց կփոխարինեն իրական սրտացավ մարդիկ, անկախ տարիքից, աշխատող լինի... Քաղաքապետարանի համապատասխան բաժնի հսկողության տակ կվերցնեի նաեւ քաղաքական հեղեղի դադարեցման, եւ այն մաքուր, ազգանպաստ, առանց Սեւանը դատարկելու, ջրաբեր գետի վերածելու խնդիրը, իրական գետերի ակունքներւց մաքրելով առանձին անհատներին փող բերող ՀԵԿ-ը: Երեւանը, որպես համայն հայության կենտրոնի, պետք է վերականգնի իր ազգային, մշակութային դիմագիծը՝ սկսած շենքերի ճակատներից, մինչեւ հուշարձաններ ու թամանյանական ցածրահարկ կառույցներ, որպես ազգային կոլորիտի... Հյուսիսային պողոտան մեզ բավական է ասելու, որ եթե ցանկանանք՝ լավագույն եվրոպացուց ավելի եվրոպացի ենք; Քաղաքի հանդեպ սեր եւ ափսոսանք կառաջացնեի, սեր եւ հոգատարություն կառաջացնեի ժողովրդի նկատմամբ… Այս եւ շատ բաներ, ոչ թե ձեռքս Աստվածաշնչի վրա դրած, այլ սեփական խղճիս վրա կերդվեի, կկազմակերպեի, որպես իմ ազգի նվիրյալ, առանց թալանելու գռփելու, խաբելու, իսկ թե ինչ միջոցներով, այսքան բան թվելով ու հազար այսքանն էլ մտքում ունենալով, դրա տեղն էլ գիտեմ, հանգիստ եւ օրինական…Ով որ այս խնդիրների լուծումը հանձն առավ, թող քաղաքապետ դառնա...», - գրել է Ռ. Ասատրյանը:

Այս թեմայով Նստել են վրան, դուբինկեքով ծեծել են, գուցե այդ ծեծը չլիներ, էրեխես փրկվեր. Շրջադարձային բացահայտում՝ «Երևանի ինֆորմատիկայի պետական քոլեջ»-ի ուսանողի սպանության գործում Ֆրանսիական ընտրությունների առաջին փուլի նախնական արդյունքներով ազգայնականները հաղթում են Այս տեսքն ունի Իրանում ձայների հաշվարկը (Ֆոտո) Ինչ է կատարվում Իրանում Նիկոլը որոշել է «հոգեդարձ» անել իր օրոք «նախկին» դարձածներին