Թուրք դատախազները հրաժարվում են քննել հեղաշրջման փորձի օրը կտտանքների ենթարկվելով սպանված զինվորների գործերը

Անցյալ տարի Թուրքիայում տեղի ունեցած հեղաշրջման փորձից հետո Ստամբուլի Բողազըջը կամրջի վրա զանգվածային ծեծի և կտտանքների հետևանքով մահացած զինվորների ընտանիքների փաստաբանները հայտնել են, որ դատախազությունը ցանկություն չունի մանրամասն քննելու գործերն ու պատժելու մեղավորներին:

Ինչպես գրում է թուրքական diken.com.tr կայքը, փաստաբաններից Քյուբրա Այդընը պատմել է, որ դատախազները հրաժարվել են քննել գործի մանրամասները:

«Նրանք կտտանքների ենթարկվելով սպանվեցին: Կտրող-ծակող գործիքներով նրանց կոկորդը կտրվեց: Դատաբժշկական փորձաքննության փաստաթղթերը մեր ձեռքում են, սակայն դատախազներն ասում են՝ «Մեր գլուխը մի տարեք: Եթե բախման ժամանակ են զոհվել՝ մենք անելիք չունենք», - պատմել է Այդընը:

Ավելի վաղ Բողազըջը կամրջի վրա ծեծվելով սպանված թուրք զինվոր Մուրադ Թեքինի հայրը մեղադրել է իշխանություններին`ասելով, որ իր տղային մեղադրել են ազգի դավաճան և գյուլենական լինելու համար, մինչդեռ երիտասարդ զինվորները տեղյակ չեն եղել հեղաշրջման փորձից:

Զոհված զինվորի հայրը բողոքել է, որ իշխանությունները ոչնչով չեն օգնել իրենց ընտանիքին, և հավելել է, որ իր տղային ազգի դավաճանի պիտակ կպցնելով` հրաժարվել են անգամ աղոթել նրա հուղարկավորության ժամանակ:

Հիշեցնենք, որ հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն:

Հեղաշրջման փորձի համար Թուրքիայի նախագահ Ռեջեփ Թայիփ Էրդողանը մեղադրում է «Հիզմեթ» («Ծառայություն») կրոնական շարժման հիմնադիր և իր հակառակորդ Ֆեթուլլահ Գյուլենին, որը ներկայում բնակվում է ԱՄՆ Փենսիլվանիա նահանգում:

Այս թեմայով Նոյեմբերի 9-ի գիշերը եղել է հեղաշրջման պլան, որը ձախողվել. Մարուքյանը մանրամասներ է պատմել Մեր տարածաշրջանում որոշիչ է լինելու Մոսկվայի խոսքը Թուրք ֆուտբոլիստի ցուցադրած «Գորշ գայլեր»-ի ժեստի համար ՈՒԵՖԱ-ն հետաքննություն է սկսել Դատախազները սրտնեղած են․ ՀՀ դատախազության 105-ամյակին ո՛չ մի դատախազ նախագահի հրամանով պետական պարգեւի չի արժանացել. «Ժողովուրդ» «Հեզբոլլահ»-ը հայտարարել է Իսայելի հյուսիսում իսրայելցի զինվորների դիվիզիայի շտաբի վրա ԱԹՍ-ներով հարձակվելու մասին