ՄԽԻԹԱՐՅԱՆԻՆ ՀԻՄԱ ԷԼ «ԻՆՏԵՐ» ԵՆ ՃԱՆԱՊԱՐՀՈՒՄ

Ինչպես գրում է «Manchester Evening News»-ը Հայաստանի ազգային հավաքականի եւ «Մանչեսթեր Յունայթեդի» կիսապաշտպան Հենրիխ Մխիթարյանի մղձավանջը շարունակվում է: Աղբյուրի պնդմամբ՝ հայ ֆուտբոլիստը, ով բաց է թողել Անգլիայի պրեմիեր լիգայի վերջին մի քանի հանդիպումները, Չեմպիոնների լիգայի խմբային փուլի ԲԿՄԱ-ի դեմ խաղը, խաղադաշտ դուրս չի գա նաեւ երկրի ներքին առաջնության 16-րդ տուրի «Մանչեսթեր Սիթիի» դեմ խաղում: 
Մեկ այլ լրատվամիջոցի` «Daily Express»-ի կարծիքով, Մխիթարյանը ձմռանը կլքի անգլիական ակումբը: «Մխիթարյանը ոչ ցանկալի անձ է դարձել «Օլդ Տրաֆորդում»: Ակնհայտ է, որ հայ ֆուտբոլիստին կվաճառեն այս ձմռանը»,- գրել է պարբերականը: 
Թեեւ որոշ աղբյուրներ Մխիթարյանին արդեն հետ էին ուղարկում Գերմանիա, բայց Դորտմունդի «Բորուսիայի» մարզչական շտաբը շտապել է վերջ տալ այդ տրանսֆերային շշուկներին՝ հայտնելով, որ ձմեռային տրանսֆերային պատուհանի ժամանակ թիմը չի պատրաստվում ձեռք բերել հարձակողական ոճի ֆուտբոլիստ: Ակումբի մարզական տնօրեն Միխայիլ Ցորկը «Goal.com»-ի հետ զրույցում նշել է. «Մենք բավականին շատ հարձակողական ոճի ֆուտբոլիստներ ունենք»: 
Փոխարենը, շրջանառության մեջ կան այլ տրանսֆերային շշուկներ, թե Միլանի «Ինտերը» մտադիր է ձեռք բերել Խուան Մատայի տրանսֆերը եւ առաջարկել է փոխանակել պորտուգալացի կիսապաշտպան Ժոաո Մարիուի տրանսֆերը իսպանացի ֆուտբոլիստի հետ: «The Sun»-ը հայտնում է, որ «կարմիր սատանաները» չեն հրաժարվի Մատայի ծառայություններից եւ կերկարաձգեն պայմանագրի ժամկետը նրա հետ: Անգլիական լրատվամիջոցը նաեւ հայտնում է, որ մանչեսթերյան ակումբի գլխավոր մարզիչ Ժոզե Մոուրինյոն, այնուամենայնիվ, կցանկանար իր թիմի կազմում տեսնել Մարիուին եւ մտադիր է գործարքի մեջ ներառել ոչ թե Մատային, այլ՝ Հենրիխ Մխիթարյանին: Նշվում է, որ դեռեւս հստակ բանակցություններ չկան, սակայն կողմերը ձմեռային տրանսֆերային պատուհանի ժամանակ կարող են քննարկել հնարավոր փոխանակումը: 
Այսքան բացասականի կողքին պետք է նշել, որ կա մեկ դրականը: Հեղինակավոր «ESPN» կայքը կազմել է աշխարհի լավագույն հարձակվողական կիսապաշտպանների տասնյակը, որտեղ Ինյեստայի, Իսկոյի եւ այլ լավագույնների կողքին տեղ է գտել նաեւ Հենրիխ Մխիթարյանը: Նա 9-րդ հորիզոնականում է: Եվ սրան զուգահեռ` չմոռանանք, որ ֆուտբոլում ամեն բան կարող է որոշել ընդամենը մեկ խաղը, մեկ գոլը, որը մերժյալին միանգամից կվերածի կուռքի: Մխիթարյանը նման գոլերի ունակ է, ուստի հայ ֆուտբոլիստի կարիերան անգլիական գրանդում ավարտված համարել դեռ վաղ է: Առավել եւս, որ Մխիթարյանին չխաղացնելու պարագայում էլ «Մանչեստր Յունայթեդն» ամենեւին էլ չի փայլում, եւ օրակարգում է նաեւ Մոուրինյոյից հրաժարվելու մասին լուրը:  

ՔՐԻՍՏԻՆԵ ՊԵՏՐՈՍՅԱՆ

Այս թեմայով «Հայաստանում որդիս անընդհատ հարցնում է. «Ինչո՞ւ քեզ բարևեց, ճանաչո՞ւմ ես նրան»».Հենրիխ Մխիթարյան Արթիկը ճանապարհում է նորակոչիկներին. Հուզիչ կադրեր Հիմա էլ «խաղաղության պայմանագրի» ձախողումն են փորձում «նախկինների ջեբը» գցելր Այս իշխանությունները որպես փրկիչ եկան, հիմա թող գնան, որ փրկվենք. Բագրատ եպիսկոպոս Գալստանյան Քանի որ հիմա իմ պետությունը կախ ծիծիկներով հաստափոր քյաֆթառի ձեռքում ա՝ իրավիճակը չի փոխվելու