«Ժողովուրդ». Երեւանի քաղաքապետարանի միջադեպից անցել է ութ ամիս. որեւէ մեկին մեղադրանք առաջադրված չէ

«Ժողովուրդ» օրաթերթը գրում է․ «Երեւանի քաղաքապետարանի աղմկահարույց միջադեպից անցել է շուրջ 8 ամիս, սակայն մինչեւ օրս որեւէ մեկին մեղադրանք առաջադրված չէ, այսինքն՝ ո՛չ անախորժություն հրահրող, ո՛չ թեժացնող ավագանու անդամները, ո՛չ էլ միջանցքներում ծեծ կազմակերպած թաղապետերը պատասխանատվության չեն կանչվել: Երեւանի ընտրյալները ընդհուպ հայհոյեցին միմյանց ուղիղ եթերում՝ հանրային հարթակում, բայց իրավական առումով որեւէ տեղաշարժ չկա այս գործում: Զրո պատասխանատվություն:

Հիշեցնենք՝ ՀՀ ոստիկանությունից հաղորդում էր ստացվել այն մասին, որ 2023 թվականի նոյեմբերի 21-ին՝ Երեւանի ավագանու հերթական նիստի ժամանակ՝ ավագանու մի քանի անդամների միջեւ առաջացած տարաձայնության ընթացքում, փոխադարձ հարվածներ են հասցվել, որի ընթացքում, հասարակության նկատմամբ դրսեւորելով անհարգալից վերաբերմունք, հնչել են հայհոյանքներ՝ այդկերպ խախտելով քաղաքապետարանի բնականոն աշխատանքը:

Դեպքի առթիվ ՀՀ քննչական կոմիտեի ԵՔՔՎ Կենտրոն եւ Նորք-Մարաշ վարչական շրջանների քննչական երրորդ բաժնում նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի 2-րդ մասի 1-ին կետի (մի խումբ անձանց կողմից խուլիգանություն կատարելը) եւ 195-րդ հոդվածի 2-րդ մասի 5-րդ կետի (մի խումբ անձանց կողմից հարվածներ հասցնելը կամ բռնի այլ գործողություններ կատարելը) հատկանիշներով, և վերջ»:

Այս թեմայով Ուկրաինական զինվորականներն ինքնաշեն լաստանավով անցել են Դնեպրը եւ հանձնվել ռուսներին (Տեսանյութ) Հոբելյան նշելու ո՛չ տրամադրություն, ո՛չ միտք չկար. Հակոբ Ղազանչյանի 65-ամյակը դարձավ կրկնակի տոն Սուրբ Աստվածածին եկեղեցու բակում թողնված երեխան 2 ամիս անց մայրիկի հետ տուն է վերադարձել (տեսանյութ) Կոմիտասի «ՍԱՍ»-ի մոտ արցախցի 2 եղբայրներին ծեծի ենթարկած 28-ամյա երիտասարդը հայտնաբերվել է․ նրան մեղադրանք է ներկայացվել Բեմը մեր հրապարակն է, որտեղ ինչ մտածում` ասում ենք. Գրիգոր Խաչատրյան