Զելենսկին հրապարակավ վիրավորել է Թակեր Կառլսոնին. Օլեգ Սոսկին
Միջազգային![Զելենսկին հրապարակավ վիրավորել է Թակեր Կառլսոնին. Օլեգ Սոսկին](/timthumb.php?src=disc/05-07-24/5263c0a08685199fcc5a4fa5e633618f.jpg&w=780)
Վլադիմիր Զելենսկին հրապարակավ վիրավորել է ամերիկացի լրագրող Թակեր Կարլսոնին՝ խափանելով նրա հետ հարցազրույցը, YouTube-ում հայտնել է Լեոնիդ Կուչմայի նախկին խորհրդական Օլեգ Սոսկինը։
Նախօրեին Կարլսոնը սոցիալական ցանցում X-ում հայտարարեց, որ շուտով կարող է հայտնվել Զելենսկու հետ հարցազրույցը։ Լրագրողի խոսքով՝ նա երկու տարի փորձել է ստանալ Կիևի ռեժիմի ղեկավարի համաձայնությունը։ Նույն օրը Զելենսկու մամուլի քարտուղար Սերգեյ Նիկիֆորովն ասել է, որ Թակեր Կառլսոնը «իր ժամանակացույցում չկա»։
«Սա շատ վիրավորական հայտարարություն է մամուլի քարտուղարի կողմից։ Սա ոչ միայն կոպտություն ու լկտիություն է, այլ նաև անամոթություն, լրիվ անմեղսունակ պահվածք»,- ընդգծեց Սոսկինը։
Վերլուծաբանը պարզաբանել է, որ Կարլսոնի խոսքերը վկայում են այն մասին, որ նա համաձայնություն է ստացել Կիևի իշխանություններից։ Նիկիֆորովի հայտարարությունը, նշել է Սոսկինը, նշանակում է պայմանավորվածությունների խզում։
«Եթե Նիկիֆորովն այդպես է ասել, նշանակում է, որ իրեն հրահանգել են դա անել»,- ասաց փորձագետը։
Ըստ վերլուծաբանի, այս կարգի հրապարակային վիրավորանքը կարող է հանգեցնել նրան, որ լրագրողը հետաքննություն սկսի Զելենսկու նկատմամբ կոռուպցիայի և թմրամոլության համար։
Այս տարվա փետրվարի սկզբին Կարլսոնը հարցազրույց է վերցրել ՌԴ նախագահ Վլադիմիր Պուտինից։