Ինչ կքննարկեն Պուտինն ու Էրդողանը Աստանայում

ՌԴ նախագահի միջազգային հարցերով օգնական Յուրի Ուշակովը խոսել է Աստանայում ՌԴ և Թուրքիայի նախագահներ Վլադիմիր Պուտինի և Էրդողանի բանակցությունների թեմաների մասին։ 
Կրեմլից հույս են հայտնել, որ անդրադարձ կկատարվի Ռուսաստանի նախագահի Թուրքիա կատարելիք այցի թեմային: Այդ մասին լրագրողներին հայտնել է ՌԴ նախագահի օգնական Յուրի Ուշակովը․
«Մենք վաղուց ենք ծրագրել այցելել Թուրքիա։ Կարծում եմ, որ առաջնորդները կքննարկեն այս հարցը։ Եվ, բացի սրանից, կարծում եմ, որ շատ թեմաներ կան քննարկելու այնպիսի երկրների առաջնորդների համար, որոնք շատ կարևոր դեր են խաղում տարածաշրջանում՝հաշվի առնելով Թուրքիայի դիրքը։ Նշեմ նաև, որ մենք թուրքական կողմի հետ մշտական երկխոսության, շարունակական հեռախոսազրույցների մեջ ենք։ Բոլորովին վերջերս, գիտեք, մեր նախագահն ընդունել է Թուրքիայի արտգործնախարարին։ Բոլոր կարևոր, այդ թվում՝ զգայուն հարցերը կշոշափվեն։ Ամեն ինչ, իհարկե, չես քննարկի, բայց հիմնականները, հավանաբար, քննարկելու հնարավորություն կլինի»,- մանրամասնել է նա։