ՀԵՐՈՍ ԱՐՄԵՆ ՀՈՎՀԱՆՆԻՍՅԱՆԸ ԿԴԱՌՆԱՐ 30 - ՏԱՐԵԿԱՆ

Հունիսի 30-ը, անմահ հերոս, Արցախի ՊԲ կրտսեր սերժանտ ԱՐՄԵՆ ԼԵՎՈՆԻ ՀՈՎՀԱՆՆԻՍՅԱՆԻ ծննդյան օրն է, կդառնար 30 - տարեկան։ Եռաբլուր զինվորական պանթեոն են այցելել հարազատներ, ընկերներ, որդեկորույս ծնողներ, ծաղիկներ խոնարհել ու խնկարկել։ Արմենը ընտանիքի միակ որդին էր, ունի երեք քույր։ Մինչև բանակ զորակոչվելը սովորել է Մշակույթի պետական քոլեջում, զբաղվել քանդակագործությամբ, պատրաստվում էր օպերատոր դառնալ։ Նա հերոսաբար զոհվել է 10 տարի առաջ, 2014 թվականի հունվարի 20-ին, Մարտակերտում։ Բռնկված հրաձգության արդյունքում, հակառակորդի կողմից ստացած հրազենային վիրավորումից հյուսիսարևելյան ուղղությամբ տեղակայված մարտական դիրքում իր առջև դրված խնդիրը կատարելու ժամանակ, հերոսաբար զոհվել է Արմեն Հովհաննիսյանը։ Հետմահու արժանացել է «Արիության համար» և «Հայրենիքին մատուցած ծառայությունների համար» առաջին աստիճանի մեդալի։ Հուղարկավորվել է զինվորական կարգով Եռաբլուր զինվորական պանթեոնում։ Մեջբերենք Արմենի խոսքերը. «ԲՈԼՈՐ ԴԻՐՔԱՊԱՀ ՏՂԵՐՔԸ ԹԱԳԱՎՈՐ ԵՆ»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ, ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Զինծառայող է զոհվել Ի՞նչ կարող է անել Հայաստանը, բայց չի անում. Արմեն Աշոտյան Թուրքիայում սկսել են այրել սիրիացիների տները, խանութները և ջարդ ու փշուր անել բոլոր տեսակի սեփականության միջոցները․ Կարեն Հովհաննիսյան Ես անձամբ դեսպանատան մոտ եմ լինելու…որտե՞ղ է Բագրատ արքեպիսկոպոս Գալստանյանը. Արթուր Հովհաննիսյան Ի՞նչ կմնա Հայաստանից 2026-ին, ի՞նչ կկատարվի այդ ընթացքում, եթե Նիկոլը մնա իշխանության․ Արմեն Աշոտյան