Բելառուսը կարող է միջուկային զենք օգտագործել «եթե նրա անկախությունը վտանգվի». ԳՇ պետ

Բելառուսը կարող է միջուկային զենք օգտագործել «եթե նրա անկախությունը վտանգի ենթարկվի», բելառուսական լրատվամիջոցներին տված հարցազրույցում ասել է Բելառուսի բանակի գլխավոր շտաբի պետ Պավել Մուրավեյկոն։

«Վերջին փաստարկներից ու թեզերից մեկը, որը զսպող գործոն է, ոչ ռազմավարական միջուկային զենքի վերադարձն է մեր երկրի տարածք։ Մենք սովորել ենք այդ զենքերը վարել, գիտենք՝ ինչպես օգտագործել դրանք վստահորեն, մենք ունակ ենք դա անել։

Վստահ եղեք, որ մենք դա կանենք, եթե մեր երկրի ինքնիշխանությունն ու անկախությունը վտանգի ենթարկվի»,- ասել է Մուրավեյկոն։

Միաժամանակ նա պնդում է, որ ԵՄ երկրների հետ հանրապետության սահմանի մոտ կա ՆԱՏՕ-ի 10 գումարտակային մարտավարական խմբավորում՝ մոտ 20 հազար մարդ ընդհանուր թվով։

Նշենք, որ Բելառուսը չունի սեփական միջուկային զենք։ Անցյալ տարի ռուսական մարտավարական միջուկային զենք է տեղակայվել հանրապետության տարածքում։

Այս թեմայով Երևանը և Բաքուն մի քանի ամսվա ընթացքում կարող են համաձայնության գալ խաղաղության պայմանագրի շուրջ ՆԱՏՕ-ն անհրաժեշտություն չի տեսնում վերանայելու իր միջուկային դոկտրինը. Ստոլտենբերգ Բրիտանիայի միջուկային զսպման փորձարկումներն ավարտվել են կատարյալ ձախողմամբ. The New Yorker Ով կարող է փոխարինել Բայդենին, եթե նա դուրս մնա ընտրապայքարից. Կամալա Հարիսից մինչև Միշել Օբամա «Ռուսաստանն օգտագործում է սարսափելի հրթիռներ». Բրիտանիայում վախենում են ռուսների հետ միջուկային պատերազմից