Ժողովրդի արձագանքն էին ստուգում. ԼԳԲՏ շքերթը դարձավ ակցիա, ակցիան էլ՝ խափանվեց

ԼԳԲՏ-ականները հունիսի 30-ին նախատեսել էին անցկացնել շքերթ՝ ՌԴ դեսպանատան դիմաց: Համենայնդեպս, այդպիսին էին շրջանառվող տեղեկությունները սոցցանցերում, եւ թեպետ քաղաքական ուժերից եւ որեւիցե մեկը քայլեր չձեռնարկեց՝ այն չեղարկելու ուղղությամբ, ՀՀ պատվախնդիր քաղաքացիները խափանեցին այն:  

Նշենք, որ «Հարգել սեռական փոքրամասնություններին» գրվածքով պաստառով մի քանի օտարերկրացիներ էին եկել ԼԳԲՏ շքերթի, բայց հանդիպելով քաղաքացիների դիմադրությանը՝ փորձեցին տեղում ակցիա անել, սակայն դա էլ նրանց չհաջողվեց: Քաղաքացիները նրանց փորձեցին բացատրել, որ առաջին քրիստոնյա երկրում չի կարող ԼԳԲՏ շքերթ լինել, հորդորեցին պղծության քարոզով չզբաղվել եւ, ի վերջո, պաստառ բռնելու փոխարեն՝ նրանց առաջարկեցին երկու մեծ վարունգ բռնել… Դե շոգին զովանալու համար:

Անդրադառնալով տեղի ունեցածին՝ «Ուժեղ Հայաստան Ռուսաստանի հետ. հանուն նոր Միության» շարժման կանանց խորհրդի նախագահ ԱԼԼԱ ՀԱԿՈԲՅԱՆԸ նշեց. «Ակնհայտ է, որ սա ԼԳԲՏ համայնքի կողմից ընդամենը փորձ էր՝ ստուգելու, թե ինչպիսին կլինի ժողովրդի արձագանքը՝ նման գործողությունների: Նրանք ստացան այդ արձագանքը եւ ստիպված եղան հեռանալ»:

Հայաստանում ռուսական համայնքի ներկայացուցիչ ՄԱՐԻԱ ՊԻՄԵՆՈՎԱՆ հարց բարձրացրեց, թե ինչպես կարելի է այս այլանդակությունը բերել եւ թույլ տալ, որ տեղի ունենա առաջին քրիստոնյա երկրում. «Ո՞ւր են մեր տղամարդիկ, ինչո՞ւ այս հարցերին լուծում չեն տալիս: Ո՞վ է նրանց թույլ տվել իրենց կողտոտ ակցիան անել ՌԴ դեսպանատան դիմաց, երբ Ռուսաստանը պայքարում է հանուն ընտանիքի, կրոնի, եկեղեցու:  Դասալիքները փախել են Ռուսաստանից հերիք չէ, մի հատ էլ այստեղ ԼԳԲՏ ակցիա են անում: Մենք առանց այն էլ բազում խնդիրներ ունենք, մի հատ էլ սա ավելացավ, հիմա էլ սրանց դեմ պետք է պայքարենք»:

Լրագրող, վերլուծաբան ԱՐԹՈՒՐ ՀՈՎՀԱՆՆԻՍՅԱՆԻ դիտարկմամբ՝ այս ակցիան նրանց կողմից հետապնդում էր առնվազն երեք նպատակ՝ ոտնձգել մեր ազգային, քրիստոնեական արժեհամակարգի, հայերիս պատվի եւ բարոյական ընկալումների դեմ, երկրորդ՝ աշխարհում առաջինը քրիստոնեությունը պետական կրոն ընդունած երկրի մայրաքաղաքում օրը ցերեկով հրապարակայնորեն, ցուցադրական կերպով զբաղվել պղծագործությամբ, երրորդ՝ քաղաքական վերաբերմունք դրսեւորել ՌԴ-ում, ի տարբերություն Հայաստանի, այլասերված անձանց սանձերն օրենսդրորեն ձգած ռուսաստանյան իշխանությունների նկատմամբ. «Բացառված չէ նաեւ 4-րդ նպատակը՝ գնալ այլասերվածների, պղծագործության կազմակերպիչների կողմից սադրանքի… Այս ամենը միանշանակ անթույլատրելի է»:

ՀՐԱՆՏ ՍԱՐԱՖՅԱՆ

Այս թեմայով Երեւանում ԼԳԲՏ ակցիան ՀՀ պատվախնդիր քաղաքացիները խափանեցին Վրաստանի խորհրդարանը հավանություն է տվել ԼԳԲՏ-ներին կարգի բերող օրինագծին Երկրի ղեկավարը հայտարարեց` ԼԳԲՏ-ն իր պաշտպանության ներքո է, բայց փաստաբանները պաշտպանված չեն (տեսանյութ) ԵՎՐՈ-2024. Ուկրաինան կամային հաղթանակ տարավ(տեսանյութ) Վրաստանն ակտիվորեն հեռանում է Արևմուտքից. երկրում կարգելվի ԼԳԲՏ-ների հանրային քարոզչությունը