ՀՀ-ն ենթարկվում է կիբեռհանցագործների անախադեպ տեռորի` թիրախում Iravunk.com-ն է. Friend ընկերության տնօրենը փակագծեր է բացում

«Վերջին շրջանում ՀՀ-ն ենթարկվում է կիբեռհանցագործների անախադեպ տեռորի: Կիբեռհանցագործների կողմից հիմնականում թիրախավորված են լրատվական կայքէջերը, սոցիալական հարթակները, բանկային հաշիվները եւ անհատ օգտատերի անձնական օգտահաշիվները» ,-«Իրավունքի» հետ զրույցում ասաց Friend ընկերության տնօրեն, տեղակատվական անվտանգության փորձագետ ԱՐՍԵՆ ԼԵՒՈՎՆՅԱՆԸ:

-Ո՞ւր են տանում կիբեռհանցագործների հետքերը:

-Հիմնականում կիբեռհանցագործները աշխատում են ՀՀ-ից դուրս, կան նաեւ ՀՀ-ում գործողները, բայց մեծամասամբ ՀՀ-ն ենթարկվում կիբեռհանցագործության դրսից: Լրատվականների մասով կարող եմ հստակ նշել, որ հիմնականում թիրախավորվում են ընդդիմադիր ենթատեքստեր ունեցող հրապարակումները:

-Կոնկրետ, դուրս ասելով, ո՞ր երկրները նկատի ունեք:

-Ֆիքսված կդժվարանամ ասել, քանի որ գործ ունենք պրոֆեսիոնալ հանցագործների հետ, որոնք աշխատում են հատուկ ծածկագրման եղանակներով, ինչը գրեթե բացառում է աղբյուրի բացահայտումը: 

Կիբեռհանցագործների կողմից պարբերաբար տուժող լրատվամիջոցներից մեկը iravunk.com-ն է, որի մասին ինքս կարող եմ բարձրաձայնել: Լրատվական կայքէջը պարբերաբար ենթարկվում տարատեսակ հաքերային հարձակումների, կարող եմ հստակ նշել նաեւ ժամերը` գիշերը 24-00-ից սկսած մինչեւ լուսաբաց: Հիմնականում  թիրախավորված են ՀՀ-ում իրականացվող գործընթացների օբյեկտիվ իրականությունը հանրությանը ներկայացվող նյութերը: Մենք օրական 300-400 բլոկավորման աշխատանքներ ենք խափանում` ճիշտ ժամանակին եւ պրոֆեսիոնալ աշխատանքի արդյունքում:

Ամփոփելով խոսքս, փաստեմ, որ ՀՀ-ի նկատմամբ առհասարակ իրականացվող կիրբեռհանցագործության անախադեպ աճի, իրազեկման մի շարք աշխատանքների կազմակեպման համար դիմել եմ կառավարություն և ոստիկանություն, բայց ապարդյուն ոչ մի բան չեն անում: 

Այս թեմայով «Ժողովուրդ». Արսեն Թորոսյանը ուզում է վերադառնալ վարչապետի աշխատակա՞զմ Մոսկվային պետք է եւս չորս ամիս դիմանալ պրովոկացիաներին Արթուր Վարդանյանի ազատազրկումը քաղաքական հետապնդում է. ՀՃԿ նախագահ Մյուռոնին թույն խառնողների խրախճա՞նք, թե՞ «ռիտուալ» Ովքե՞ր են գալու, թուրքե՞րը… Զարմանք