Վերջապես` Արցախի մասին Սրբազանը կոնկրետ բան կասի՞
ՀասարակությունԱրցախի հետ կապված մեկնաբանության կարող միտք հնչեցրեց նաեւ Բագրատ սրբազանը, ով երեկ երեկոյան այցելել էր Արցախի ներկայացուցչությունի` ի աջակցություն Շահրամանյանի, որի մեքենան «բերետավոր խուժանը» երեկ առեւանգել էր (այս տերմինն ենք օգտագործում, քանի որ այդպես էլ հստակ իրավական բացատրություն չկա, թե հայաստանյան իրավապահներն այդ ո՞ր օրենքով են հետապնդում իրենց ասածով` ադրբեջանական Արցախում գրանցված մեքենաները Հայաստան բերելը, որոնք, ընդ որում, թույլատրել են, որ մտնեն Հայաստան):
Այսպես, ըստ Սրբազանի` մենք բազմաթիվ անգամ խոսել ենք Արցախի մասին, պայմանավորված մեր ժողովրդի տուն վերադառնալու իրավունքով։ Թե՛ ԵՄ-ից, թե՛ ԱՄՆ-ից, թե՛ ողջ աշխարհից արցախցիների իրավունքների մասին խոսում են, բացի Հայաստանի Հանրապետությունից ու իր գործընկեր Ադրբեջանի Հանրապետությունից։ Այս մասին Արցախի ներկայացուցչության մոտ ասել է Բագրատ Սրբազանը:
Խոսել կարելի է շատ բան: Բայց եթե ուզում ես փոխարինել իշխանությանը, ապա նաեւ պետք է հստակ բացատրես` ի՞նչ չի արել իշխանությունը եւ ի՞նչ կանես դու` դառնալով իշխանություն, որ յս կամ այն հարցը լուծվի: Կանկրետ դեպքում, «բազմաթիվ անգամ խոսելուց» զատ, Սրբազանը վերջապես պե՞տք է բացատրի իշխանության գալու դեպքում իր ու իր ղեկավարած շարժման այն գոնե ուրվագծային, հայեցակարգային տեսլականը, որ կօգնի արցախահայությանը` իրենց համար ձեռնտու պայմաններով տուն վերադառնալ: Թե՞ կառավարություն դառնալու դեպքում էլի «բազմաթիվ անգամ կխոսեենք Արցախի մասին», մինչեւ թեռման ինքն իրեն վերջնականապես կփակվի: