Նոր լույս է վառվել, ծնվել է պատերազմում զոհված Արգիշտի Ստեփանյանի եղբայրը՝ ծնունդ որն ապրելու հույս է տալիս

Ստեփանյանների ընտանիքում նոր լույս է վառվել, ծնվել է պատերազմում զոհված Արգիշտի Ստեփանյանի եղբայրը՝ ծնունդ որն ապրելու հույս է տալիս․

Օրեր առաջ՝ հունիսի 12-ին, Ստեփանյանների ընտանիքում ծնողներին կրկին ապրեցնելու ու երջանկացնելու համար, լույս աշխարհ է եկել Արգիշտ Գալուստի Ստեփանյանը՝ 2022 թվականի սեպտեմբերի 13-14-ին իրականացված ռազմական ագրեսիայի հետևանքով անմահացած, Արագածավանի բնակիչ Արգիշտի Ստեփանյանի կրտսեր եղբայրը։ 

Բարի լուրից անչափ ուրախացած, այսօր Ստեփանյանների տուն եմ այցելել Արագածավանի վարչական ղեկավար Արթուր Նազարյանի և Թալինի համայնքապետարանի ներկայացուցիչների հետ։ 

Մեծ ուրախությամբ շնորհավորեցի Ստեփանյանների ընտանիքին՝ այսչափ լուսավոր ծնունդի առթիվ, փոքրիկ Արգիշտին մաղթեցի անհոգ մանկություն, հերոս եղբորը արժանի եղբայր լինելու պատիվ։ Ընտանիքը համայնքապետարանի կողմից երեխայի ծնունդի առթիվ ստացավ նվերներ և դրամական պարգև։

Փոքրիկ Արգիշտը ծնվել է 3 կգ 80 գրամ քաշով, 50 սմ հասակով։
- «Դեռ շատ փոքր է, սակայն արդեն զգացվում է նմանությունը եղբոր հետ»․ ոգևորված ու կյանքի կողմից տրված նվերից ուրախացած ասում էին Արգիշտի ընտանիքի անդամները։ 

Կրկին շնորհավորում եմ Ստեփանյաններին, հույս հայտնում, որ այսօրինակ երջանկություն կլինի նաև մյուս զոհվածների ընտանիքներում։

Հավերժ փառք մեր բոլոր հերոսներին։

Այս թեմայով Սա ԱՄՆ-ի պատերազմ է խաղաղ բնակչության դեմ. Քենեդի կրտսերը մեկնաբանել է Սևաստոպոլի հարվածը Այսօր առավոտյան իր տանից առևանգել են 44-օրյայի ժամանակ զոհված փոխգնդապետ Արթուր Հովսեփյանի եղբորը ԿՅԱՆՔԻՑ ԱՆԺԱՄԱՆԱԿ ՀԵՌԱՑԵԼ Է 44-ՕՐՅԱ ՊԱՏԵՐԱԶՄԻ ԱՆՄԱՀ ՀԵՐՈՍ ՀՐԱՉՅԱ ԳԱԲՐԻԵԼՅԱՆԻ ՄԱՅՐԸ Ուզում են Հայաստանը վերածել թուրք-ադրբեջանական տանդեմի միջեւ անկլավի. Գրիգորի Այվազյան Երեք պատերազմի մասնակցես, չզոհվես, ու քաղաքում սենց սպանե՞ն…