Եկել է ամենակրիտիկական փուլը, մենք տանուլ ենք տալիս այս պատերազմը. ուկրաինայի գումարտակի հրամանատար (ՎԻԴԵՈ)

Այժմ Ուկրաինայի Զինված ուժերի համար վերջին 2,5 տարվա ընթացքում ամենակրիտիկական փուլն է, ուկրաինական բանակը տանուլ է տալիս պատերազմը, ասել է Ուկրաինայի ԶՈւ 3-րդ գրոհային բրիգադի գումարտակի հրամանատար Դ.Կուխարչուկը։

Նրա խոսքով, ուկրաինական հասարակությանը միավորված չէ հաղթանակի ընդհանուր գաղափարի համար։ Շատերն ասում են, որ Ռուսաստանի հետ կարելի է հաշտության պայմանագիր կնքել, բայց հիմնական հարցն այն է, թե Մոսկվային ինչի՞ն է դա պետք (եթե Կիևն արդեն պարտվում է):

Խոսելով Խարկովի ուղղությամբ ռուսական բանակի հարձակման մասին՝ նա կարծում է, որ Խարկովին առաջիկա մեկ ամսում վտանգ չի սպառնում, բայց վտանգ կա առաջիկա վեց ամիսներին։

Կուխարչուկը նաև ընդգծել է, որ Ավդեեւկայում մարտերի ինտենսիվությունն ամենաբարձրն է եղել պատերազմի ողջ պատմության ընթացքում։