Հունիսի 15-ը ՀՀ պետական խորհրդանիշների օրն է
![Հունիսի 15-ը ՀՀ պետական խորհրդանիշների օրն է](/timthumb.php?src=disc/15-06-24/e9ce0db82716302385f8b94779a877a1.jpg&w=780)
ՀՀ պետական խորհրդանշաններն են՝ դրոշը, զինանշանը եւ ազգային օրհներգը: ՀՀ կառավարությունը 2010 թվականին ընդունեց «ՀՀ պետական խորհրդանշանների հանրահռչակման ծրագրի» առաջարկը:
«ՀՀ դրոշի մասին» և «ՀՀ զինանշանի մասին» օրենքներն ընդունվել են 2006թ. հունիսի 15-ին։ ՀՀ պետական դրոշի օրը Հայաստանում առաջին անգամ նշվել է 2010 թվականի հունիսի 15-ին:
ՀՀ դրոշը եռագույնն է՝ կարմիր, կապույտ, ծիրանագույն: Հայաստանի Սահմանադրության համաձայն՝ եռագունի երեք գույներից կարմիրը խորհրդանշում է Հայկական լեռնաշխարհը, հայ ժողովրդի պայքարը Հայաստանի ազատության և անկախության համար: Կապույտը խորհրդանշում է հայ ժողովրդի ձգտումը՝ ապրելու խաղաղ երկնքի տակ, իսկ նարնջագույնը` հայ ժողովրդի ստեղծագործ տաղանդը և աշխատասիրությունը:
Հայաստանի եռագույնն ընդունվել է 1990թ. օգոստոսի 24-ին ՀՀ գերագույն խորհրդի կողմից: