ՀՈՒՆԻՍԻ 11-Ը, ԼԵԳԵՆԴԱՐ ԾԱՆՐԱՄԱՐՏԻԿ, ՕԼԻՄՊԻԱԿԱՆ ԽԱՂԵՐԻ ՉԵՄՊԻՈՆ ՀՈԿՍԵՆ ՄԻՐԶՈՅԱՆԻ ԾՆՆԴՅԱՆ ՕՐՆ Է
Սպորտ![ՀՈՒՆԻՍԻ 11-Ը, ԼԵԳԵՆԴԱՐ ԾԱՆՐԱՄԱՐՏԻԿ, ՕԼԻՄՊԻԱԿԱՆ ԽԱՂԵՐԻ ՉԵՄՊԻՈՆ ՀՈԿՍԵՆ ՄԻՐԶՈՅԱՆԻ ԾՆՆԴՅԱՆ ՕՐՆ Է](/timthumb.php?src=disc/11-06-24/0a48095bec3d5f7d36024243561f64b0.jpg&w=780)
Այսօր, հունիսի 11-ը, խորհրդային հայ լեգենդար ծանրամարտիկ, Օլիմպիական խաղերի չեմպիոն, Ազգային Օլիմպիական կոմիտեի փոխնախագահ ՀՈԿՍԵՆ ԱՌԱՔԵԼԻ ՄԻՐԶՈՅԱՆԻ ծննդյան օրն է, 63-ամյակն է նշում։ Նա ծնվել է 1961 թվականին, Սիսիանի շրջանի Անգեղակոթ գյուղում։ 1965-ին, ընտանիքով տեղափոխվել են Էջմիածնի շրջանի Բաղրամյան գյուղ։ 1982 թվականին, Միրզոյանը հռչակվել է ԽՍՀՄ չեմպիոն, նույն հաջողությունը նա կրկնել է 1983, 1988 և 1991 թվականներին։ 1983-ին, հաղթել է մեծահասակների Աշխարհի առաջնությունում սահմանելով նոր համաշխարհային ռեկորդներ հրում վարժության և ընդհանուր հաշվարկում։ Իսկ ուղիղ 36 տարի առաջ, հեռավոր 1988 թվականին, Միրզոյանը դարձել է Սեուլի Օլիմպիական խաղերի չեմպիոն։ Նրա որդին Առաքելը և եղբորորդին Արայիկը ևս ծանրամարտիկներ են շարունակում են նրա սուրբ գործը։
Հոկսեն Միրզոյանի ջանքերով, ծանրամարտի մարզադպրոց է բացվել նրա հարազատ գյուղում, որտեղ պարապում են բազմաթիվ երեխաներ։
Շնորհավորում ենք լեգենդար մարզիկին, մաղթելով առողջություն, ամենայն բարիք։
ՀՈՎՀԱՆՆԵՍ ՍԱՐԳՍՅԱՆ
![](disc/11-06-24/89a3985c573bfb3bfd7b59cd4908ce3f.jpg)
![](disc/11-06-24/4d6e69965341cfd8a346ec7364829d55.jpg)
![](disc/11-06-24/f870096b3942152ce2d781cf678acd9d.jpg)
![](disc/11-06-24/fe8d3cc0b9b1359ed7da196e26f9f244.jpg)
![](disc/11-06-24/e0fd562884df7337660dafecf9bfdef4.jpg)
![](disc/11-06-24/c6f9964f0a598e974159af26d5cae4bf.jpg)
![](disc/11-06-24/c13a1acae126126f7db304ff9db849fa.jpg)
![](disc/11-06-24/b995941c3ae819f27102a75560482e9b.jpg)
![](disc/11-06-24/0a70666cfcc85fe88e2facd87bb06253.jpg)