ԱՅՍՕՐ ԳՅՈՒՄՐԵՑԻ ԱՆՎԱՆԻ ԾԱՆՐԱՄԱՐՏԻԿ ՏԻԳՐԱՆ ՄԱՐՏԻՐՈՍՅԱՆԻ ԾՆՆԴՅԱՆ ՕՐՆ Է
Սպորտ![ԱՅՍՕՐ ԳՅՈՒՄՐԵՑԻ ԱՆՎԱՆԻ ԾԱՆՐԱՄԱՐՏԻԿ ՏԻԳՐԱՆ ՄԱՐՏԻՐՈՍՅԱՆԻ ԾՆՆԴՅԱՆ ՕՐՆ Է](/timthumb.php?src=disc/09-06-24/1c5f184e4759bbb2bce997a91f2f7a23.jpg&w=780)
Այսօր, հունիսի 9-ը, Գյումրեցի անվանի ծանրամարտիկ, Աշխարհի չեմպիոն, Եվրոպայի եռակի չեմպիոն, միջազգային կարգի սպորտի վարպետ ՏԻԳՐԱՆ ԳԵՎՈՐԳԻ ՄԱՐՏԻՐՈՍՅԱՆԻ ծննդյան օրն է, 36-րդ տարեդարձն է նշում։
Տիգրանը ծանրամարտով սկսել է զբաղվել 11 տարեկանից։ 13 տարեկանում նա արդեն ծանրամարտի Հայաստանի չեմպիոն էր։ Iravunk. com - ի մարզական թղթակիցը զրուցել է օրվա հոբելյարի հետ։
- Շնորհավորում ենք, Տիգրան, ծննդյան տարեդարձի առթիվ։
- Շատ շնորհակալ եմ։
- Որպես հիշարժան հաղթանակ, հատկապես որը կարող ես առանձնացնել քո մարզական կարիերայից։
- Ամենաանմոռանալի հաղթանակս Թուրքիայի Անթալիա քաղաքում եմ գրանցել 2010 թվականին։ Իմ մարզական կարիերայի ամենամեծ ու արժեքավոր նվաճումն էր դա, որովհետև 21 տարի մեր երկիրը տղամարդկանց պայքարում չէր ունեցել որևէ չեմպիոն, իսկ մրցաշարը Թուրքիայում էր անցկացվում։ Շատ աննկարագրելի զգացողություններ ունեցա, որ ինձ հաջողվեց վերջապես կոտրել սառույցը ու Աշխարհի չեմպիոնի տիտղոսը նվաճել։
Ցավոք, Աշխարհի առաջնությունից առաջ երկրային կյանքից հեռացավ իմ անձնական և հավաքականի գլխավոր մարզիչ Աշոտ Մխիթարյանը, իսկապես շատ ծանր կորուստ էր բոլորիս համար, քանի որ ամբողջ մարզական ճանապարհը միասին ենք անցել։ Հաղթանակս նվիրեցի մարզչիս պայծառ հիշատակին։ Մաղթում եմ, որ մեր մարզիկների նվաճումները լինեն շարունակական։ Ամենակարևորը այն է, որ այս մարզաձևը ծանրամարտը պահում է իր բարձր մակարդակը, տարեցտարի ավելանում է այս մարզաձևի հանդեպ հետաքրքրությունը և ես լիահույս եմ, որ Փարիզում կայանալիք Օլիմպիական խաղերին, այս տարի կունենանք նաև հաղթող։
Պատրաստեց ՀՈՎՀԱՆՆԵՍ ՍԱՐԳՍՅԱՆԸ
![](disc/09-06-24/dc384be071634798fe40c6dd2617903b.jpg)
![](disc/09-06-24/dc6d24faa961a6bfc82a84bb19bbfb43.jpg)
![](disc/09-06-24/e0b2640e3de5c5ac191398758f18af8b.jpg)
![](disc/09-06-24/6417111429bf6f3fe80023f7d3f6ccc2.jpg)
![](disc/09-06-24/1fcd7c371a199531ceec520e22eeab27.jpg)
![](disc/09-06-24/043d6946674fcda40037f257d3a897dd.jpg)
![](disc/09-06-24/ac379b6b04ec65e02bf65f760abc6bde.jpg)