Խնդիրը մեր մտածողության մեջ է. Գեւորգ Մելքոնյան
Ներքաղաքական![Խնդիրը մեր մտածողության մեջ է. Գեւորգ Մելքոնյան](/timthumb.php?src=disc/31-05-24/a68707c9a501569577239bab04020679.jpg&w=780)
«Արեւելք» գիտավերլուծական կենտրոնի ղեկավար, պատմական գիտությունների թեկնածու ԳԵՎՈՐԳ ՄԵԼՔՈՆՅԱՆԻ գնահատմամբ` հենց 1917-18 թթ․-ից հետո փախչելու մտածողությունը պետք է փոխվեր, որ եթե հիմա դու այստեղ չես դիմադրում, ապա դու, միեւնույնն է, հետո դիմադրելու ես, բայց ավելի վատ պայմաններում։
«Սարդարապատը թող դաս լինի մեր ժողովրդին՝ այսօրվա համար, որ եթե փախար, ապա Արարատյան դաշտում ես կռվելու, Արարատյան դաշտից հետո այլեւս չգիտեմ` տեղ ունենալո՞ւ են կռվելու, թե` ոչ։ Եթե Արարատյան դաշտում չես ուզում կռվես՝ պետք է կռվես Կարսի դաշտում եւ այսօրվա համար սա շատ արդիական է»,- «Իրավունքի» հետ զրույցում ասաց պատմաբանը։
Ըստ Գ. Մելքոնյանի, Առաջին հանրապետությունը կորցրինք այն պատճառով, ինչի համար կկորցնենք այսօրվա հանրապետությունը. «Պատճառները նույնն են, եւ դրանք հենց մեր մեջ են։ Երբեք չփորձենք այդ պատճառները օտարների վրա դնել՝ թուրքերի, ռուսների, ամերիկացիների։ Խնդիրը մեր մեջ է։ Ինչպես Առաջին հանրապետության ժամանակ, նույնն էլ այժմ խնդիրը մեր մտածողության մեջ է` օտարին ապավինելու, ակնկալելու, որ մեր փոխարեն օտարն է կռվելու, հետո էլ ասելու, թե չեկավ օգնեց։ Այս բոլոր թվարկած խնդիրները մեր մեջ են։ Տենդենցները ինչ գնացին՝ Առաջին հանրապետությունը կործանվեց, եւ մյուս տենդենցները այժմ գնում են»։
ԴԻԱՆԱ ՄԱՆՈՒԿՅԱՆ