Լուրերը մի քիչ չափազանցված էին. ԶԻՏԱ ԲԱԴԱԼՅԱՆ

Վերջերս ՌԴ-ում մեծ աղմուկ հանեց «Վագներ» ջոկատի մարտիկների արշավանքը դեպի Մոսկվա: Իսկ թե ի՞նչ վիճակում են գտնվել մեր հայրենակիցները, և այն ինչպե՞ս է անդրադարձել իրենց հոգեվիճակի վրա, իմացանք Մոսկվայի հայկական թատրոնի դերասանուհի, ռեժիսոր ԶԻՏԱ ԲԱԴԱԼՅԱՆԻ հետ ունեցած զրույցից:

— «Վագներ» ջոկատի մարտիկների գործողությունն ինչպե՞ս անդրադարձավ Ձեր վրա:

— Ավելի շատ դիտողի դերում էի ու այդպես էլ մինչև հիմա չկարողացա հասկանալ, թե իրականում ինչն էր պատճառը: Փորձում եմ զգացմունքորեն չմոտենալ այդ հարցին:

— Լուրեր տարածվեցին, որ տանկեր կան Մոսկվայի կենտրոնում: Դա Ձեզ մոտ խուճապ չառաջացրե՞ց:

— Չէ՛, խուճապի չմատնվեցի: Ռուս գվարդիան մի տանկ հանեց, ու դրանից մեծ պատմություն սարքեցին: Իմիջիայլոց, մամուլում լուրերը մի քիչ չափազանցված էին: Եվ Հայաստանից բարեկամները լսելով այդ համացանցի չափազանցված լուրերը՝ ասում էին. «Վա՜յ, եկեք Հայաստան»:

— Բայց չէ՞ որ արդյունքում սահմանափակումներ եղան:

— Անվտանգության նկատառումներից ելնելով ՝Մոսկվայում սահմանափակումներ եղան: Մեր թատրոնի փորձերն էլ ուրիշ օր տեղափոխեցինք: Տեսնենք՝ հետո ինչ կլինի...

ՆՈՒՆԵ ԶԱՔԱՐՅԱՆ

Այս թեմայով «Արևմտյան Ադրբեջան» կոչվող ծրագիրը միջազգայնացվում է, նպատակ ունեն բնաջնջել հայկական հետքը Մահացել է «Գոյ» թատրոնի հիմնադիր Մկրտիչ Մկրտչյանը Արթուր Աբրահամը Մայք Թայսոնին հայկական կոնյակ է նվիրել Թատերական անցուդարձ. ինչ դիտել այս շաբաթ «Համլետ»-ի ամեն մի նախադասությունը, կարծես, հենց այսօրվա մասին է. առաջնախաղ՝ Դրամատիկական թատրոնում