ՏՈՆԸ ՈՉ ԹԵ ՀԵԹԱՆՈՍԱԿԱՆ, ԱՅԼ ՆԱԽԱՀԵԹԱՆՈՍԱԿԱՆ Է
ՄշակութայինԱրդեն մի քանի տարի է՝ Վարդավառը Գյումրիում տոնվում է մեծ շուքով՝ վերածվելով համաժողովրդական տոնի: Այս տարի Վարդավառը Գյումրիում տոնվեց հետևյալ կարգախոսով․ «Գալը՝ քեզնից, ջուրը՝ մեզնից» : Վարդավառից առաջ Գյումրիում մեծ շուքով տոնվեց նաև Սուրբ Զատիկը, որի նպատակը քրիստոնեական տոնը համաժողովրդական դարձնելն էր։ Գաղափարը Շիրակի թեմի առաջնորդ Միքայել արքեպիսկոպոս Աջապահյանինն էր։
«Շատ լավ ավանդույթ է, մեր մշակույթը մեզ միավորում է, տոնը միասնական դարձնում»,-hraparak.am-ի հետ զրույցում ասաց Սրբազանը՝ այսօր Վարդավառի տոնը Վարդանանց հրապարակում մեծաթիվ մարդկանցով տոնելու առթիվ։ Թեպետ Վարդավառի պատմությունը գալիս է դեռևս հեթանոսական ժամանակներից, տոնը կապում էին հայկական դիցարանի ջրի, սիրո, պտղաբերության ու գեղեցկության աստվածուհի Աստղիկի հետ, նրան վարդեր էին նվիրում, աղավնիներ էին բաց թողնում և միմյանց վրա ջուր ցողում, Սրբազանը հիշեցնում է․
«Տոնը նախահեթանոսական է։ Ըստ ավանդության, երբ Նոյը ջրհեղեղից հետո իջնում է Արարատի գագաթից, պատվիրում է իր որդիներին իրար վրա ջուր լցնել: Արարիչն այլևս ջրհեղեղով մեզ չի պատժելու, եւ միմյանց վրա ջուր լցնելը նշանակում է, որ մենք հաշտ ենք ջրի հետ, այլևս չենք վախենում ջրից»:
Քրիստոնեության ընդունումից հետո տոնը կրել է որոշ փոփոխություններ: Այն նվիրված է Քրիստոսի այլակերպման նշանավոր իրադարձությանը, երբ նա Թաբոր լեռան վրա երևացել է իր աշակերտներին պայծառացած կերպարանքով: Քրիստոսի Պայծառակերպությունը Հայ Առաքելական Եկեղեցու հինգ տաղավար տոներից է։ Հայ եկեղեցին Քրիստոսի Պայծառակերպությունը տոնում է Զատիկից 98 օր հետո, հունիսի 28–ից մինչև օգոստոսի 1–ն ընկած ժամանակահատվածում։
Ամբողջական հոդվածը կարող եք կարդալ այս հասցեով՝ : https://hraparak.am/post/15acb1d5054e29f9df3d4f194f80716d
© 2008 - 2021 «Հրապարակ օրաթերթ»