Ավարտվել է 73-ամյա տղամարդու մահվան ելքով ավտոպատահարի դեպքի առթիվ հարուցված քրեական գործի նախաքննությունը. ՔԿ

ՀՀ քննչական կոմիտեի Արմավիրի մարզային քննչական վարչությունում ավարտվել ճանապարհային երթեւեկության կանոնները խախտելու հետեւանքով անզգուշությամբ մարդու մահ առաջացնելու դեպքի առթիվ հարուցված քրեական գործի նախաքննությունը: Մեղադրանք է առաջադրվել Արմավիրի մարզի 35-ամյա բնակչին: Այս մասին հայտնում են ՀՀ քննչական կոմիտեի տեղեկատվության եւ հասարակայնության հետ կապերի բաժնից։

Քննությամբ ձեռք բերված տվյալների համաձայն՝ Արմավիրի մարզի 35-ամյա բնակիչը 2019թ. մարտի 6-ին՝ ժամը 11:00-ի սահմաններում, նույն մարզի Սարդարապատ գյուղի Աբովյան փողոցում իրականացնելով իր կողմից վարած «Մերսեդես Բենս 190Ե» մակնիշի ավտոմեքենայի ընթացքի ոչ պատշաճ եւ վտանգավոր կառավարում՝ խախտելով տվյալ ճանապարհահատվածում երթեւեկության համար սահմանված թույլատրելի արագությունը, իր երթեւեկության համար վտանգն առաջանալու պահից սկսած ժամանակին չի դիմել արգելակման, ինչի արդյունքում բախվել է շրջադարձ կատարող վերոնշյալ գյուղի 73-ամյա բնակչի կողմից վարած «Մերսեդես Բենս Ց180» մակնիշի ավտոմեքենային: Արդյունքում՝ 35-ամյա տղամարդը, ինքն իրեն զրկելով վթարը կանխելու տեխնիկական հնարավորությունից, Սարդարապատ գյուղի 73-ամյա բնակչին անզգուշությամբ պատճառել է մահ:

Ձեռք բերված բավարար ապացույցների համակցությամբ՝ Արմավիրի մարզի 35-ամյա բնակչին մեղադրանք է առաջադրվել՝ ՀՀ քրեական օրենսգրքի 242-րդ հոդվածի 2-րդ մասով (ճանապարհային երթեւեկության անվտանգության ապահովմանն ուղղված պահանջները կամ ճանապարհային երթեւեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ): Նրա նկատմամբ որպես խափանման միջոց է ընտրվել ստորագրություն՝ չհեռանալու մասին:

Նախաքննությունն ավարտվել է, եւ քրեական գործը, մեղադրական եզրակացությամբ, ուղարկվել դատարան:

Այս թեմայով «Ժողովուրդ». Իշխանությունը փորձում է սեղմել օղակը Տիգրան Ավինյանի շուրջ. քրեական գործեր են հարուցվում Հրազենային վնասվածքից մահացած 21-ամյա զինծառայող Սարգիս Խաչատրյանը Սոթքից էր, տան ավագ զավակը ՖՈՏՈ․ Այսօր կյանքից զրկված 21-ամյա զինծառայող Սարգիս Խաչատրյանը Սոթքից էր, տան ավագ զավակը․ մանրամասներ «Ֆազին» ենթադրյալ սպանողը հեռանում է դեպքի վայրից. կադրեր Սամվել Շահրամանյանի մեքենան առգրավվել է թմրամիջոցների շրջանառության գործի շրջանակում. ՔԿ