«Հայաստանի իշխանությունները որևէ օգնություն չե՞ն տրամադրելու դպրոցահասակ երեխաներին». Գագիկ Համբարյան

Քաղաքագետ Գագիկ Համբարյանը ֆեյսբուքյան իր էջում գրել է.

«Հայաստանի իշխանությունները որևէ օգնություն չե՞ն տրամադրելու դպրոցահասակ երեխաներին

Շատ երկրներում պատրաստվում են նոր ուսումնական տարվա սկզբին և հատկապես հաշվի առնելով այն հանգամանքը, որ կորոնավիրուսի հետ կապված այս ճգնաժամային շրջանում ոչ բոլոր ծնողներն են ի վիճակի բավարարել դպրոց այցելող երեխայի մինիմալ պահանջները, այդ երկրների իշխանությունները փորձում են ինչ-որ օգնություն տրամադրել դպրոցահասակ երեխաներ ունեցող ընտանիքներին…

Շատ զարգացած և զարգացող երկրներից օրինակներ չեմ բերի… Կանգ կառնեմ մեր “մակարդակում” գտնվող հյուսիսային հարևանի վրա… Վրաստանի իշխանություններն ուսումնական տարվա սկզբին ընդառաջ որոշել են մինչև 17 տարեկան բոլոր երեխաներին միանվագ տրամադրել 200 լարի (65 դոլար) օգնություն… Ի դեպ, Վրաստանի ղեկավարությունն այդ օգնությունը տրամադրում է նաև մինչև դպրոց գնացող բոլոր երեխաներին ևս… Իսկ ի՞նչ քայլեր է այս առումով արել Նիկոլ Փաշինյանի կառավարությունը…

Այսօր օգոստոսի 22-ն է և դպրոցահասակ երեխաներին որևէ ֆինանսական կամ ինչ-որ այլ օգնության մասին որևէ մեկը չի խոսել… Համոզված եմ՝ չեն էլ խոսի, քանի որ Նիկոլը բացարձակ ցանկություն և նպատակ չունի ձեռք մեկնել դրպրոցահասակ երեխաներ ունեցող ընտանիքներին… Նիկոլի և նրա ԿԳՄՍ-ԱԳԼՃԿ նախարարի մոտ ավելի լավ ստացվում են դպրոցահասակ երեխաների դեմ «Դրակոնյան օրենքներ» ընդունելը, թե ինչպես օրինակ, երեխան 45 րոպե դասին պետք է նստի դիմակով, դրան գումարած էլ դասամիջոցին չպետք է դուրս գա դասարանից և այլն…
Հ.Գ. Հարազատ թիմակիցներին հարյուր միլիոնավոր դրամների պարգևավճարի գումար Նիկոլն ունի… Բայց դպրոցահասակ երեխաներին օգնության ձեռք մեկնելու գումար՝ չունի»:

Այս թեմայով Սպասվող տեղումները չեն խանգարի հանգստյան օրերի պլաններին «Հրապարակ». Իշխանությունները կրկին ակտիվացրել են Ռուսաստան այցերը «Mixfight 56»-ում Կամո Ունանյանը կմենամարտի գլխավոր տիտղոսի համար Ռուսաստանը ցանկանում է «Հյուսիս-Հարավ» միջանցքի երթուղում ներառել Հայաստանի հետ սահմանային անցակետը Ռուսաստանը 7 տոննա մարդասիրական օգնություն է հասցրել Հայաստանում ջրհեղեղից տուժածներին