ՌԴ նավատորմը եզակի հիպերձայնային հարվածային համալիրներ կունենա. Պուտին (տեսանյութ)

Ռուսաստանի ռազմածովային նավատորմը կստանա աշխարհում անալոգներ չունեցող հիպերձայնային զենք, հայտարարել է ՌԴ նախագահ Վլադիմիր Պուտինը: «Նավատորմի բացառիկ առավելություններն ու մարտական հնարավորությունների բարձրացումը ձեռք կբերվի առաջադեմ թվային տեխնոլոգիաների, աշխարհում նմանատիպը չունեցող հիպերձայնային հարվածային համալիրների, անօդաչու ստորջրյա ապարատների եւ պաշտպանության այլ ամենաարդյունավետ միջոցների հաշվին»,- ասել է ՌԴ նախագահը՝ Սանկտ Պետերբուրգի ռազմածովային շքերթի ժամանակ:

Ավելի վաղ տեղեկացվել էր, որ Ռուսաստանում փորձարկվում է «Ցիրկոն» նոր հիպերձայնային ծովային հրթիռը։ ՌԴ Պաշտպանության նախարարություննն այսօր հաստատեց, ո որ «Ցիրկոն» հրթիռը հաջողությամբ ավարտում է փորձարկումների փուլը: «Ծովակալ Գաշկով» ֆրեգատից անցկացված փորձարկման արձակումները հաստատել են տվյալ հրթիռի հեռահարության եւ հրաձգության ճշգրտության, ինչպես նաեւ՝ դրա թռիչքի հիպերձայնային արագության յուրահատուկ մարտավարական-տեխնիկական բնութագրերը»,- ասված է հաղորդագրության մեջ:

Անցյալ տարվա փետրվարին Դաշնային ժողովին հղած ուղերձում Պուտինը հայտնել էր, որ «Ցիրկոն» հրթիռը կարող է ավելի քան 1 հազար կիլոմետր հեռավորության վրա խոցել թիրախներ ՝ շուրջ 9 մախ արագությամբ (մախ- ձայնի արագություն):

Այս թեմայով Պուտինը հայտնել է՝ երբ «անհապաղ կդադարեցվեն» Ուկրաինայում ռազմական գործողությունները Պուտինն ու Ալիևը բանակցություններ են վարել (տեսանյութ) Ռուսական ավիացիան ոչնչացրել է ուկրաինական հարվածային անօդաչուների կառավարման բազան Խերսոնում (Տեսանյութ) Հայտնի հեղինակություն՝ «Ֆազի» սպանության կադրերը։ Ովքեր և ինչպես վերացրին նրան․ՏԵՍԱՆՅՈՒԹ Աննա Հակոբյանն իրենց բակում հյուրընկալել է հեծանվորդներին (տեսանյութ)