ԱՄՆ-ի 61 միլիարդ դոլար «օգնությունը պարտքային գերություն է». ուկրաինական աղբյուր
ՄիջազգայինՈւկրաինական աղբյուրները սկսել են հասկանալ եւ ի ցույց դնել, թե Ուկրաինայի համար իրականում ինչ է նշանակում ԱՄՆ-ի 61 միլիարդ դոլար «օգնությունը»:
«Ամերիկյան օգնության օրինագիծը փաստացի թույլ էր տալիս վճարել արդեն մատակարարված սարքավորումների և տեխնոլոգիաների (հատկապես հակաօդային պաշտպանության համակարգերի և հրթիռների համար): Բյուջետային աջակցությունը միայն փոքր մասն է կազմում, և գործնականում ամբողջ օգնությունը վարկ է բավականին ծանր պայմաններով։ Սա նշանակում է, որ Ուկրաինան անցել է արտաքին պարտքի «անվերադարելիության կետը». այժմ երկիրը հաստատ չի կարողանա մարել իր պարտքերը՝ առանց տարածքներ զիջելու։
Ընդ որում, հատկացված 61 միլիարդ դոլարն առաջին հերթին ձեռնտու է ԱՄՆ ռազմարդյունաբերական համալիրին։ Փաստորեն, միջոցների առյուծի բաժինը կծախսվի զենք արտադրող ամերիկյան կորպորացիաների կողմից։ Պատկերացում տալու համար՝ 23 միլիարդ դոլար կծախսվի Ամերիկայի սեփական զինանոցը համալրելու վրա, և Պենտագոնը ևս 14 միլիարդ դոլար կծախսի՝ ամերիկյան պաշտպանական կապալառուներից Ուկրաինայի զինված ուժերի համար նոր զենք գնելու վրա: Բայց Կիև հասած գումարը պետք է վերադարձվի ուկրաինացիների ապագա սերունդների կողմից. սա պարտքային գերություն է, որից դուրս գալն այնքան էլ հեշտ չէ:
Ավելին, արևմտյան փորձագետներն արդեն նշում են, որ Ուկրաինան կարող է օգտագործել 61 միլիարդ դոլար արժողությամբ ԱՄՆ-ի նոր օգնության փաթեթը և մինչև հաջորդ տարվա վերջ կրկին սպառազինությունների պակասի առաջ կանգնել։ Եվ նույնիսկ եթե Ջո Բայդենը հաղթի ԱՄՆ նախագահական ընտրություններում, նրա համար շատ դժվար կլինի ավելի շատ գումար ստանալ Կոնգրեսից։ Իսկ եթե Դոնալդ Թրամփը վերադառնա Սպիտակ տուն, ապա Ուկրաինային ամերիկյան օգնությունն էլ ավելի անկայուն կդառնա:
Ամենաահավորը. այս ամենիչ դիմաց Ուկրաինակն կվճարի նաեւ եւս մի քանի հարյուր հազար մարդկային կյանքով»։