Որոշ գործերով`օբյեկտիվ եւ սուբյեկտիվ պատճառներով դեռ բավականին բացեր կան, բայց... Ամենաաղմկահարույց գործերով պահանջված փաստաբանը «Freedom House»-ի զեկույցում տեղ գտած գնահատականի մասին
Իրավական««Freedom House» իրավապաշտպան միջազգային կազմակերպությունը հրապարակել է տարեկան հերթական զեկույցը, որով ՀՀ դատական համակարգը 1-ից 7 բալային համակարգի սանդղակով գնահատել է 2.75 միավորով։
Ինչի՞ մասին է խոսում զեկույցը, հարցի պատասխանը փորձել ենք ստանալ ՀՀ-ում ամենաաղմկահարույց գործերով պահանջված փաստաբան, «Լեվ Գրուպ» փաստաբանական ընկերության հիմնադիր ղեկավար ԼԵՎՈՆ ԲԱՂԴԱՍԱՐՅԱՆԻՑ, ով փաստեց հետեւյալը.
-Նախ ես չեմ կարող գնահատական տալ այդ միջազային կառույցի գնահատականին, քանի որ տեղյակ չեմ, թե կոնկրետ չափանիշներով նման գահատական հնչեցեցրել: Միայն կարող եմ ասել, որ իրավապաշտպաններս բազմիցս ենք բարձրաձայնել դատական իշխանության հետնահանջը, բայց, հանուն արդարության պետք է ասեմ, որ երբ համեմատություն ենք անցկացնում ՀՀ անկախության տարիների դատական համակարգի եւ այսօրվա` տարբերությունը դրական ցուցանիշներով բարձրանում է միանշանակ:
Այ՛ո, կա դատական իշխանություն, բայց որոշ գործերով օբյեկտիվ եւ սուբյեկտիվ պատճառներով դեռ բավականին բաց էր կան: Օբյեկտիվ պատճառներից մեկն այն է, որ դատարաներն այսօր գերծանրաբեռնված են. չի կարող դատարանը ունենալ իր վարույթում 1000-ից ավել գորխծեր եւ արդարադատություն իրականացնել: Չի՛ կարող դատավորը ամեն օր մինչեւ աշխատանքային օրվա ավարտը նիստեր անել, հետո էլ բարձրանա աշխատասենյակ վճիռները գրելու համար, սա օբյեկտիվ պատճառը: Սուբյեկտիվ պատճառն էլ նա է, որ որոշ գործերով գործադիր իշխանությունների ներբանի տակ է դատական իշխանությունը: Մինչդեռ Մովսեսի օրենքով պետք է տարանջատել դատական իշխանությունը Գործադիրից, իսկ այդ կանոնը որ երկիրը, որ չի պահում, դրա բացասական հետեւանքները ակներեւ են: