Ունանյանի սպորտային կարիերան վտանգի տակ է

Այս տարվա փետրվարին սպորտային կարատեի աշխարհի և Եվրոպայի չեմպիոն, Հայաստանի կարատեի միության հիմնադիր Կամո Ունանյանը MMA մարզաձևում 6-րդ անընդմեջ հաղթանակից հետո հայտարարել էր, որ մարտ ամսվա կեսերին Մոսկվայում ողնաշարի լուրջ վիրահատության կենթարկվի։

Տարիներ առաջ առաջնություններից մեկի ժամանակ Կամոն մեջքի լուրջ վնասվածք էր ստացել։ Հինգ տարվա ընթացքում արդեն 4 անգամ նա ենթարկվել է ողնաշարի վիրահատության, տարբեր երկրներում բուժումներից հետո սակայն ոչ մի դրական փոփոխություն չի ունեցել։ Այս անգամ բժիշկները Ունանյանին զգուշացրել են, որ հնարավոր է այս վիրահատությամբ վերջ դրվի իր սպորտային կարիերային։ Պարզվում է, Ունանյանը սպորտային կարիերան վտանգի տակ չդնելու համար, որոշում է կայացրել՝ որոշ ժամանակով հետաձգել վիրահատությունը։

«Քանի որ ունեմ ողնաշարի լուրջ խնդիր, դրա համար ամիսներ առաջ ՌԴ Մոսկվա քաղաքում բավականին լուրջ հետազոտություններ անցա։ Հետազոտող բժիշկները եկան այն եզրակացության, որ անպայման պետք է կրկին վիրահատության ենթարկվեմ։ Արդեն երկու շաբաթ է Մոսկվայում կրկին լուրջ հետազոտություններ անցա, հոսպիտալացվեցի և բավականին լուրջ բուժումների կուրս անցա, որպեսզի կրկին վիրահատության ենթարկվեմ։ Սակայն, բժիշկ Ցուկաևը վիրահատությունից առաջ ինձ տեղեկացրեց, որ մեծ ռիսկի ենք գնում, քանի որ հնարավոր է վիրահատությունից հետո այլևս չկարողանամ շարունակել իմ սպորտային կարիերան»,- մեզ հետ զրույցում ասաց Կամո Ունանյանը։

Սպորտային կարիերա- առողջություն բարդ ընտրության առաջ կանգնելուց հետո Ունանյանը ընտրել է կարիերան և անորոշ ժամանակով հետաձգել վիրահատությունը․ «Որոշում կայացրեցի հետաձգել, քանի որ իմ սպորտային կարիերայում դեռ անելիքներ ունեմ»,- պնդեց Ունանյանը։

Որքան էլ բժիշկներն Ունանյանին զգուշացրել են, որ վիրահատությունն անխուսափելի է, նա պատրաստվում է ողնաշարի շրջանում ցավերը մեղմացնել վարժությունների միջոցով․ «Կյանքում ինչ որ բանի հասնելու համար յուրաքանչյուր մարդ պետք է պատրաստ լինի դժվարությունների, նույնիսկ՝ դիմակայել ցավերին։ Իսկ ես պատրաստվում եմ տարբեր վարժությունների, բուժումների միջոցով հնարավորինս մեղմացնել ցավերը։ Թեպետ խորհրդակցությունից հետո բժիշկները ասացին, որ վիրահատությունը անխուսափելի է»։

Այնուամենայնիվ, Ունանյանը մտադիր է մեկ ամիս բուժումների փուլ անցնելուց հետո առաջիկայում կրկին մասնակցել խոշոր միջազգային մրցաշարերի ինչպես MMA մարզաձևում, այնպես էլ սպորտային կարատեի տարբեր վարկածներով՝ աշխարհի և եվրոպայի առաջնություններում։

Այս թեմայով ՀԿԿ Կենտկոմը ողջունում եւ իր զորակցությունն է հայտնում «Տավուշը հանուն հայրենիքի» համաժողովրդական շարժմանը Ինչու մայիսի 9-ին «Տավուշը հանուն հայրենիքի» շարժումը հարգանքի տուրք չմատուցեց անմար կրակի մոտ Հայկ Բաբուխանյանը՝ նոր շարժման եւ նրա անելիքների մասին Ո՞րն է այն գաղափարը, որի շուրջ կարող են ընդդիմադիրները համախմբվել. Վազգեն Սաֆարյան Միշտ մեր ժողովուրդը ոչ թե գնացել է ընտրելու, այլ՝ մերժելու. Վազգեն Սաֆարյան (ԱՆՈՆՍ)