Ինչպես է Վանաձորի դրամատիկական թատրոնն անցկացնելու թատերական շաբաթը

Վանաձորի Հովհաննես Աբելյանի անվան պետական դրամատիկական թատրոնում թատերական շաբաթ կանցկացվի՝ նվիրված Թատրոնի միջազգային օրվան, որը նշվում է մարտի 27-ին:

Այսպիսով՝ մարտի 26-ին նախատեսվում է Անտոն Չեխովի «Առաջարկություն» ֆիլմի դիտում եւ քննարկում, մարտի 27-ին հանդիպում է սպասվում ՀՀ վաստակավոր արտիստներ Հայկ Թորոսյանի, Արամ Մխիթարյանի եւ ՀՀ արվեստի վաստակավոր գործիչ Արամայիս Սարգսյանի հետ, իսկ մարտի 28-ին դպրոցականների ճանաչողական այց կկազմակերպվի թատրոն: Երեխաները հնարավորություն կունենան լինելու կուլիսներում, ծանոթանալու արտադրամասերի աշխատանքներին եւ այլն:

Մարտի 29-ին կլոր-սեղան քննարկում է նախատեսվում դերասանների եւ աշակերտների միջեւ՝ թատրոն, մշակութային էթիկա, կրթություն եւ մշակույթ թեմայով, մարտի 30-ին թատերասերները կարող են դիտել Վիլյամ Սարոյանի «Ոստրեն ու մարգարիտը» ներկայացումը՝ նվիրված Սարոյանի 115-ամյակին: Ներկայացման բեմադրիչը Արեն Օսիպյանն է:

Ի դեպ, նշենք, որ Վանաձորի թատրոնում այս պահին նոր մանկական ներկայացման փորձեր են ընթանում, պատրաստվում են առաջնախաղի։ Բեմադրվում է «Ռատատույ» ներկայացումը, որի ռեժիսորը Ժիրայր Գաբրիելյանն է: Ապրիլի 6-ին հյուրախաղով հանդես են գալու Գյումրու դրամատիկական թատրոնում: Խաղալու են Հովհաննես Թումանյանի «Անուշ» ներկայացումը: Ապրիլի 18-ին «Խոսիր ինձ հետ» ներկայացմամբ հանդես կգան Գավառի Լեւոն Քալանթարի դրամատիկական թատրոնում՝ ՀՀ կրթության, գիտության, մշակույթի եւ սպորտի նախարարության կողմից Գեղարքունիքի մարզում մեկնարկած մշակութային երկամսյակի շրջանակներում։

Այս թեմայով Ինչպես հայտնվեց «Հայրիկը սարդոստայնում». առաջնախաղ` ռուսական թատրոնի բեմում «ԴԴՏ» խմբի մեծ համերգը՝ Երեւանում Ստիպված էի պատմել իմ պատմությունը՝ թույլ տալով հանդիսատեսին կարեկցել իմ պայքարին. Իբրահիմ Միարի Գետը չտեսած բոբիկանալը անտեղի է, ոգևորությունը՝ նույնպես. Հովհաննես Ավետիսյան Տարածքների նվիրումն Ադրբեջանին հանցավոր գործողություն է, որը կբերի նաեւ էներգետիկ եւ լոգիստիկ վտանգների. Մանվելյան