«Տարածաշրջանում տարօրինակ զարգացումներ են գրանցվում». քաղաքագետ

«Մինչ ՀՀ վարչապետը բան ու գործ թողած սվաղում է մեկ տարի առաջ կոտրած Հանրային ռադիոյի դուռը, իսկ հանրությանը հուզող թեման ՀՀ աշխատանքի ու սոցիալական հարցերի նախարարի սեքսուալ արկածներն են տարածաշրջանում տարօրինակ զարգացումներ են գրանցվում», - այս մասին նշում է քաղաքագետ ՌՈԲԵՐՏ ՄԱՐԳԱՐՅԱՆԸ եւ մանրամասնում. «ԱՄՆ պետքարտուղար Մայք Պոմպեոյի Գերմանիա այցն անակնկալ կերպով բեկանվել է: Նրան փոխադրող ինքնաթիռը վերջին անգամ նկատվել է Թուրքիայի արեւելյան սահմաններում ու հետո անհայտացել է ռադարների էկրանից: Սպիտակ տան CNN-ի թղթակից Քեյթլին Քոլինզը Թուիթերում գրառում կատարելով` հայտարարել է, որ Պոմպեոյին ուղեկցող թղթակիցներին ասվել է մինչեւ ուղեւորության ավարտն ու վերադարձը թույլատրված չեն բացահայտել թե ո՞ւր են մեկնում: Միեւնույն ժամանակ, Իրանի ԱԳ նախարար Մոհամմեդ Ջավադ Զարիֆը մի պատվիրակություն գլխավորելով` մեկնել է Մոսկվա: Դա ի տես այն բանի, որ Իրանը վաղը՝ չորեքշաբթի օրը, մայիսի 8-ին, Միջուկային համաձայնությունից ԱՄՆ-ի հրաժարման տարելիցին, մի նամակով հայտարարելու է Միջուկային համաձայնությամբ ստանձնած իր պարտավորությունների մի մասի գործադրումը դադարեցնելու եւ միջուկային աշխատանքները վերսկսելու մասին, որին արձագանքելով` Ֆրանսիան հայտարարել է, թե նման քայլի գնալու դեպքում Եվրոպան վերականգնելու է Իրանի դեմ պատժամիջոցները»:

Այս թեմայով «Ժողովուրդ». Սրբուհի Գալյանի՝ Արդարադատության նախարար դառնալու հեռանկարով կիրականան նաև Աննա Վարդապետյանի նպատակները Թուրքիայի հետ ունենք դինամիկ երկխոսություն, բայց կառուցողական չէ, երբ նրանք մեր հարաբերությունների կարգավորումը կապում են Ադրբեջանի հետ. ԱԳ նախարար Վերջապե՛ս նախարար գտան, մնաց՝ արդարադատությունը Իսրայելն Իրանի դեմ վերջին հարվածների ժամանակ օգտագործել է Իրաքի և այլ երկրների օդային տարածքը. Արաղչի Սյունյաց աշխարհի երկնքում արծվները շատ են. դրանք Կարենի և իր ընկերների հոգիներն են...