«Երկրագունդը պտտվում է միայն Մեգգիի շուրջ». Կարեն Գյուրջյանը հայր է դարձել

Ոճաբան ԿԱՐԵՆ ԳՅՈՒՐՋՅԱՆԻ հետ «Իրավունքի» նախորդ հարցազրույցը նրա հարսանեկան արարողության մասին էր: Եվ մեր այն հարցին, թե հաջորդ հարցազրույցը կլինի՞ առաջնեկի ծնունդի մասին, նա կարճ պատասխան էր տվել. «Փշաքաղվեցի… Տա Աստված»:  Իսկ Աստված տվել է եւ թեպետ սոցցանցում հայտնի ոճաբանը խորհրդավոր լռություն է պահպանում, բայց մեզ հաջողվեց պարզել, որ Կարեն Գյուրջյանը եւ Սվետան համալրել են երջանիկ ծնողների շարքը:

Փոքրիկի ծննդյան մանրամասների եւ Կ. Գյուրջյանի նոր կարգավիճակի մասին էլ զրուցեցինք հենց նորաթուխ հայրիկի հետ:

- Փոքրիկը ծնվեց մայիսի 11-ին, անունը Մեգգի է: Ինչու Մեգգի, որովհետեւ միշտ շատ սիրել եմ այդ անունը եւ հետո քանի որ իմ սիրած մուլտֆիլմի` Սիմսոնների փոքրիկի անունը Մեգգի էր, ուղղակի, այս որոշումը բեկման ենթակա չէր:

- Կարեն, ինչո՞ւ այս կարեւոր լուրը թաքցրեցիք ֆեյսբուքյան ընկերներից:

- Ճիշտն ասած, թաքցնելու միտք չի եղել, ուղղակի, ծանրաբեռնված լինելու պատճառով ստացվեց այդպես:

- Հայրիկի դերին հե՞շտ համակերպվեցիք:

- Չհաշված փյելսթեյշնից հրաժարվելը, լարված ու անքուն գիշերները, ամեն ինչ անչափ հաճելի է ու հեշտ:

- Շա՞տ բան է փոխվել Կարեն Գյուրջյանի կյանքում՝ փոքրիկի ծնունդից հետո:

- Այո, երկրագունդը պտտվում է միայն Մեգգիի շուրջ:

- Հայ ծնողները յուրահատուկ են, որովհետեւ փոքրիկի ծննդյան օրվանից սկսած արդեն սկսում են մտածել նրա ապագայի, մասնագիտության, ամուսնության մասին: Դուք ե՞ւս բացառություն չեք:

- Ամուսնության անուն չտա՛ք, իսկ ապագան ու մասնագիտությունը նա կորոշի, մենք ուղղակի, կօգնենք կողմնորոշվել եւ հասնել նպատակին:

- Ձեր ընտանիքում աղջիկները սկսում են գերակշռել, պատրա՞ստ եք միայնակ դիմակայել նրանց բոլոր քմահաճույքներին, թե՞ կամաց-կամաց մտածում եք որդի ունենալու մասին:

- Քմահաճույքների դիմակայել պատրաստ եմ, մեծ սիրով, իսկ որդու վերաբերյալ թող լինի Աստծո կամքը:

- Մեր հարցազրույցները բավական հատկանշանական են՝ զրուցել ենք Ձեր նշանադրության մասին, ապա պսակադրության, հիմա էլ առաջնեկի: Մեկ տարի անց՝ ի՞նչ անձնական կամ ստեղծագործական նորությունների սպասենք:

- Այդ մեկը չեմ կարող ասել, տեսնենք:

Իսկ մեզ մնում է եւս մեկ անգամ շնորհավորել Կարեն Գյուրջյանին եւ Սվետային փոքրիկի ծննդյան առթիվ, մաղթել Մեգգիին անհոգ մանկություն ու անսահման երջանկություն: Իսկ նրա ծնողներին ցանկանալ, որ մուլտֆիլմի հայտնի հերոսի` Հոմեր Սիմսոնի պես Մեգգիին պարգեւեն քույր եւ եղբայր:

ՀՐԱՆՏ ՍԱՐԱՖՅԱՆ

Այս թեմայով Սյունյաց աշխարհի երկնքում արծվները շատ են. դրանք Կարենի և իր ընկերների հոգիներն են... Այս ամենի մասին տեղյակ է նաև Շիրակի ՔՊ-ական մարզպետը Ավտովթարից մահացած Էլենը ամուսնացած էր, ուներ 2 երեխա՝ որդի և դուստր Հոկտեմբերի 27-ի ոճրագործությունից 25 տարի անց նահատակների հիշատակի արարողություն տեղի կունենա Ծնվել է Սամվել Ալեքսանյանի թոռնուհին. ո՞ւմ անունով են կոչել փոքրիկին