Հայաստան այցելած CNN-ի հայտնի հաղորդավար Էնթոնի Բուրդենն ինքնասպան է եղել (տեսանյութ)

CNN-ի հաղորդավար Էնթոնի Բուրդենը, ով 2017 թվականին այցելել էր Հայաստան ու Արցախ, ինքնասպան է եղել: Տեղեկությունը հաստատել է CNN հեռուստաընկերությունը:

«Խորին վշտով հաստատում ենք մեր բարեկամ ու գործընկեր Էնթոնի Բուրդենի մահվան փաստը: Նրա սերն արկածների, նոր ընկերների, լավ ուտելիքի ու խմիչքների նկատմամբ, ինչպես նաև աշխարհի մասին նշանավոր պատմությունները նրան պատմության բացառիկ պատմող էին դարձրել: Նրա տաղանդները երբեք չեն դադարեցրել մեզ զարմացնել, մենք շատ կկարոտենք նրան: Այս դժվարին պահին մեր աղոթքները նրա աղջկա ու ընտանիքի հետ են»,- ասվում է հեռուստաընկերության կողմից տարածված հայտարարության մեջ:

CNN հեռուստաընկերության «Էնթոնի Բուրդեն. անծանոթ տեղանքներ» հեռուստահաղորդման՝ Հայաստանի ու Արցախի մասին պատմող էպիզոդը ցուցադրվել էր մայիսի 20-ին: Ֆիլմի նկարահանման ողջ ընթացքում նրան ուղեկցում է հայտնի հայ երաժիշտ, System of a Down խմբի մենակատար Սերժ Թանկյանը, ով կիսվում է Հայաստանի, հայոց պատմության ու հայկական խոհանոցի մասին իր գիտելիքներով: Ֆիլմում հեղինակ Բուրդենն անդրադառնում է Հայոց ցեղասպանությանը, 1988 թվականի երկրաշարժին, արցախյան պատերազմին, Հայաստանի՝ հարևանների հետ ունեցած հարաբերություններին, լինում Հայաստանի ու Արցախի գեղատեսիլ վայրերում: Նա համտեսում է հայկական խոհանոցի տարբեր ավանդական կերակրատեսակներ:

Արցախ այցելելու պատճառով Ադրբեջանի իշխանությունները նրան ներառել էին «սև ցուցակում»:

Այս թեմայով Հայտնի է նոյեմբերի կենսաթոշակի վճարման օրը Բլինքենը չի մասնակցի Բաքվում կայանալիք COP29-ին Թրամփը բացառիկ հարցազրույց է տվել հայտնի լրագրող Թակեր Կարլսոնին «Ժողովուրդ». ՔՊ նիստը թեժ է եղել. Անդրանիկ Քոչարյանի պաշտոնանկության հարցը բարձրացնողների շղթան մեծանում է Սպիտակ տանը Հելոուինի տոնակատարության ժամանակ Բայդենը կատակով «կծել է» երեխայի ոտքը (տեսանյութ)