Այս սեզոնին դող. պատճառը, բուժումը և կանխարգելումը

Մարդը դող է զգում, երբ մարմնի մկանները կծկվում և թուլանում են՝ փորձելով կարգավորել օրգանիզմի ներքին ջերմաստիճանը: Երբեմն դա տեղի է ունենում ցրտի պատճառով, սակայն կարող է նաև վարակի կամ հիվանդության դեմ իմունային համակարգի պայքարելու փորձ լինել:

Առանց ջերմության դողի առաջացումը մի քանի պատճառ ունի, օրինակ՝ անեմիան, ալերգիան, մարսողական համակարգի հիվանդությունները, երիկամներում քարերի առկայությունը կամ վահանաձև գեղձի անբավարար ակտիվությունը, ասվում էРИА Новости-ի հաղորդման մեջ։ Այս վիճակն ուղեկցվում է դողով, փշաքաղությամբ և «սագամաշկով»։

Դողն ախտանիշ է, որը կարող է տեղեկացնել տարբեր հիվանդությունների մասին։ Դրա առաջացման հնարավոր պատճառներից են շնչուղիների վարակիչ հիվանդությունները, բակտերիալ էնդոկարդիտը, մարսողական համակարգի, վերին և ստորին միզուղիների հիվանդությունները: Մրսածությունը, վիրուսներն ու վարակները միշտ չէ, որ առաջացնում են ջերմաստիճանի բարձրացում։ Այդ իսկ պատճառով, անսպասելի և կրկնվող դողի դեպքում պետք է դիմել բժշկի օգնությանը։ Հատկապես, եթե դրան ավելանում են նաև այլ ախտանիշներ՝ թուլություն, գլխացավ, սրտխառնոց։

Այլ հնարավոր պատճառներն են.

Էնդոկրին համակարգի հիվանդություններ

Հիպերտոնիկ ճգնաժամ

Տուբերկուլյոզ

Մալարիա

Ալերգիկ ռեակցիա

Ցրտահարում

Անեմիա

Կորոնավիրուս

Սթրես

Դողն առաջին հերթին ախտանիշ է, այլ ոչ թե հիվանդություն, ուստի բուժումը կախված է պատճառից: Եթե ​​դա առաջանում է թույլ վարակի պատճառով, ապա անհրաժեշտ է տնային բուժում՝ անկողնային ռեժիմով և շատ հեղուկ խմելով: Ավելի լավ է տաք պահել: Եթե ​​ցրտի զգացողությունը կապված է վարակիչ հիվանդության հետ, ապա կարող են զարգանալ օրգանիզմի թունավորման հետ կապված ախտանիշներ։ Այդ դեպքում անհրաժեշտ է դիմել  բժշկի օգնությանը: Նույնը պետք է արվի ցրտահարության հետ կապված դողի դեպքում:

Դողը կարող է վկայել այն հիվանդությունների մասին, որոնք չբուժելու դեպքում կարող են հանգեցնել լուրջ հետևանքների, այդ թվում՝ կոմայի և օրգանների անաշխատության:

Դողից կարելի է խուսափել՝ տաք հագնվելով։ Ավելի լավ է ընտրել բազմաշերտ հագուստ՝ մարմնի ջերմաստիճանը կարգավորելու համար: Ուժեղ քրտնարտադրությունը, ապա մրսածությունը կարող է զգալիորեն նվազեցնել այն:

Ավելի լավ է հրաժարվել վատ սովորություններից, շաքարախտի առկայության դեպքում պետք է անընդհատ վերահսկել արյան մեջ շաքարի մակարդակը: Նույնը վերաբերում է նաև այլ քրոնիկ հիվանդություններին՝ մշտական ​​դիտարկում է անհրաժեշտ։

Եթե դողը սկսվում է անսպասելիորեն, կարելի է տաք շոկոլադ, սուրճ կամ թեյ խմել՝ մարմնի ներքին ջերմաստիճանը բարձրացնելու համար: Բայց եթե փշաքաղման պատճառը վարակն է կամ այլ առողջական խնդիր, ապա բավարար չէ միայն կանխարգելմամբ սահմանափակվելը, պետք է արմատախիլ անել դող առաջացնող պատճառը: