Ինչո՞ւ չի կարելի 100 տոկոսով լիցքավորել հեռախոսը. կարևոր է իմանալ

Հասարակություն 5 Հունվար, 2025 19:20

Հեռախոսի մարտկոցն իր ֆունկցիաներով նման է օրգանիզմին. հնարավոր չէ պահել այն կատարյալ վիճակում, բայց կարելի է երկարացնել նրա կյանքը, դա նման է նրան, որ եթե վարես առողջ ապրելակերպ, կարող ես ավելի երկար պահպանել երիտասարդությունն ու առողջությունը:

Լիցքավորումը մինչև 100 տոկոս և լիցքաթափումը մինչև զրոյի կարող է արագ սպառել մարտկոցը և նվազեցնել դրա հզորությունը:

Նախկինում հեռախոսներն օգտագործում էին նիկելային մարտկոցներ, որոնք խորհուրդ էր տրվում լիցքավորել և լիցքաթափել մաքսիմումով։ Սակայն ժամանակակից սարքերում օգտագործվում են լիթիումային մարտկոցներ, որոնք ավելի լավ է չլիցքաթափել մինչև 20% և լիցքավորվել մինչև 90%:

Մինչև լիցքավորումը մարտկոցի լրիվ լիցքաթափման սպասելը ոչ միայն անիմաստ է, այլև կարող է վնասակար լինել ձեր գաջեթի համար: Ավելի լավ է սարքը լիցքավորել օրական մեկից ավելի անգամ և կարճ ժամանակով, այլ ոչ թե թույլ տալ, որ այն հասնի ամբողջական լիցքաթափման մինչև լիցքավորումը:

Պետք չէ լիցքավորել սարքը ամբողջ գիշերվա ընթացքում: Նախ, մարտկոցի 100% հասնելուց հետո ժամանակակից հեռախոսներն անջատվում են լիցքավորումից, սակայն որոշ ժամանակ անց մարտկոցի լիցքը իջնում է մինչև 99% և հեռախոսը նորից միանում է հոսանքին, ինչը նպաստում է մարտկոցի մաշվելուն։

Փորձագետները նշում են, որ ժամանակակից մարտկոցները լավ են ընդունում այս ալգորիթմը։ Ուստի միանգամայն ընդունելի է հեռախոսը հաճախակի և չնչին տոկոսով լիցքավորելը։