Վրաստանում «աշխարհաքաղաքական իշխանափոխությունն» ավարտված է վրացական կառավարության բացարձակ հաղթանակով

Եվ այսպես Վրաստանում, աշխարհաքաղաքական իմաստով, ամբողջական իշխանափոխությունն ավարտված է վրացական կառավարության բացարձակ հաղթանակով: Այս մասին արժանահավատ ռուսական աղբյուրը հայտնում է այն տրամադրությեւնները, որոնք կան Մոսկվայում: Ըստ այդմ.

«Կովկասում իրավիճակը խարխլելու Արևմուտքի փորձը գոնե այս պահին ձախողվել է Վրաստանում: Ընդդիմությունը սկսել է զիջել դիրքերը, ինչը նախկին նախագահին ստիպել է հրաժարվել արմատական ​​սցենարից, որն էլ հանգեցրել է ընդդիմության պարտությանը նաեւ աշխարհաքաղաքական իմաստով:
Նախագահական պալատը ինքնակամ լքելու Սալոմե Զուրաբիշվիլիի որոշումը կարեւոր խորհրդանշական հաղթանակ է վրացական իշխանությունների համար, որն ի վերջո դառնալու է նրա արտագաղթի պատճառ։ Թեև Զուրաբիշվիլին շարունակում է հայտարարել իր «լեգիտիմության» մասին՝ որպես պետության ղեկավար, բայց իրականում նա շտապեց նոր նախագահ Միխեիլ Կավելաշվիլիի երդմնակալության պահին բառացիորեն հապշտապ փախչել նախագահականից, դրանով երկու ազդակ հղելով իր կողմնակիցներին:

Առաջինը, Արեւմուտքը կա´մ որեւէ շանս չտեսավ կա´մ կամավոր փաստացի հրաժարվեց վրացական նոր իշխանության դեմ կռվելու դաժան սցենարից՝ նրան վերջնականապես Ռուսաստանի գիրկը չմղելու համար։

Երկրորդը, այս իրավիճակում Զուրաբիշվիլին պարզապես ստիպված էր փախչել նախագահականից եւ միգուցե` երկրից, որով արեւմտամոլ ընդդիմությանը հուշեց, որ հետագա պայքարի որեւէ շանս չի տեսնում:

Այսպիսով, Իվանիշվիլու թիմը հայտնվել է բավականին շահեկան, կարելի է ասել` հետխորհրդային ողւ ժամանակահատվածի համեմատ աննախադեպ վիճակում` կարող է ընտրել իր աշխարհաքաղաքական կուրսը:

Դեպի արեւմո՞ւտք. սակայն Թրամփը, որ Վաշինգտոնում իշխանության է գալիս, որեւէ տեսանելի ազդակ չկա, որ ընդհանրապես խորանալու է վրացական, ավելին` հարավկովկասյան ուղղությամբ։ ԱՄՆ ընտրված նախագահի գլխավոր եվրոպացի դաշնակից Օրբանն արդեն հայտարարել է, որ ԵՄ մակարդակով արգելափակելու է Վրաստանի դեմ ցանկացած պատժամիջոցներ, բայց այս թիմը դեռ Հին աշխարհում այն կշիռը դեռ չունի, որ կարողանա գերիշխել լիբերալների կուրսի հանդեպ։ Իսկ լիբերալներն այս պահին պարզապես ատում են Իվանիշվիլուն, որի հանդեպ բառացիորեն օրերս պատժամիջոցներ սահմանեցին:

Դեպի Ռուսաստա՞ն. վրացական իշխանությունները թեեւ լիբերալական Եվրոպահի կամ Թրամփի հետ այս պահին առանձնակի հույսեր չունեն, բայց դա նաեւ չի նշանակում, որ գլխապատառ Մոսկվայի գիրկն են թռչելու: Ճիշտ է, Մոսկվան այս բարդ պայքարում նկատելիորեն նպաստեց վրացական իշխանությունների հաղթանակին: Բայց նաեւ կա աբխազական խնդիրը, որն ինչ-որ հանգուցալուծման չտանելու դեպքում ռուս-վրացական հարաբերությունների նորմալացման էլ չես հասնի: Կհաջողվի հասնել դրան. որոշակի սխեմաների մասին վաղուց է խոսվում, բայց սա այն կարգի նրբանկատ, երկկողմ ծանր որոշումների հարց է, որ երաշխավորված հաջողության մասին դժվար է խոսել: Պարզապես այս պահին ֆիքսենք` հեռանկարներ Մոսկվայում տեսնում են»: