Սիրիա. Քրդերն ակտիվորեն հարձակվում են Մանբիջի ուղղությամբ, եւ Էրդողանի վիճակը բարդանում է

Սիրիայում իշխանության եկած էրդողանական ահաբեկիչները ցեղասպանություն են իրականացնում ողջ երկրի տարածքում, միաժամանակ կարողացան անակնկալ հարձակումով քրդերից գրավել Մանբիջ մեծ քաղաքը: Բայց նման է, որ պատկերն էապես փոխվել է:

Քրդական ուժերը վերախմբավորելով եւ, ըստ ամենայնի, ստանալով նոր զինատեսակներ, վերջին օրերին Եփրատի արեւմտյան թեւում` Մամբիջի հատվածում ոչ միայն կանքնեցրել են թուրքական գրոհայինների հարձակումները, այլ իրենք են անցել ակտիվ հակահարձակման: Ներկա փուլում գրոհայինները զգալի կորուստներ է կրում և մեկը մյուսի հետևից զիջում է դիրքերը։

Դատելով տեսանյութերից, որոնք տարածում են քրդական աղբյուրները, քրդական ուժերն ակտիվորեն կիրառում են անօդաչուներ: Գրոհայինները չունեն համապատասխան պաշտպանական համակարգեր, եւ անօդաչուների հարվածները մեծ կորուստներ են նրանց պատճառում: Ենթադրելի է, որ այս օրերին քրդերը հատկապես այդ զինատեսակներով են համալրվել ԱՄն-ի եւ Իսրայելի կողմից:

Այսպիսով, եթե իրավիճակ չփոխվի, միանգամայն ռեալ է, որ քրդական ուժերը ոչ միայն կվերականգնեն կորցրած դիրքերը, այդ թվում` նաև Սիրիայի հյուսիսային հատվածում գտնվող Մանդբիջ քաղաքը, որի ուղղությամբ քրդական ստորաբաժանումներն արդեն նկատելիորեն առաջ են շարժվել, այլ կարող են նաեւ նոր դիրքեր ձեռք բերել։ Խոսքը հարավային ուղղության մասին է, որտեղ կան ազդակներ, որ քրդերն առաջխաղացում են սկսում Սիրիայի հարավային սահմանի երկայնքով` նպատակ ունենալով դուրս գալ ամերիկյան վերահսկողության գոտի (Քարտեզում): Իսկ մյուս կողմից, Իսրայելն է այս օրերին հարվածի տակ պահում Դաարա հարավային քաղաքը, ինչը հուշում է, որ արեւմտյան ուղղությունից էլ իսրայելյան ուժերը կարող են շարվել դեպի ամերիկյան վերահսկողության գոտի:

Ակնհայտ է, որ առանց թուրքական կանոնավոր բանակի օգնության, գրոհային ստորաբաժանումները դժվար ժամանակներ կունենան։ Իսկ մյուս խմբավորումները, որոնք թուրքամետների հետ տապալեցին Ասադին, հիմնականում գտնվում են արեւմտյան վերահսկողության-ֆինանսավորման դաշտում, եւ պետք եղած պահին, մի բան էլ կարող են հարվածել թուրքամետների թիկունքին:

Այսպիսով, թեեւ Էրդողանն այս փուլում փորձում է բոլոր միջոցներով եւ խաղաղասիրական կոչերով հասնել իրավիճակի կայունացման, որտեսզի կարողանա ամրացնել իր ենթական խմբավորումների դիրքերը` նրանց տնօրինկան տակ դնելով սիրիական պետականության հնարավոր ռեսուրսները, սակայն ամերիկացիները նրան այդ ժամանակը չեն տալու: Էրդողանի մնում է խաղի մեջ դնել թուրքական բանակը` ընդդեմ քրդերի: Բայց դա էլ կնշանակի ուղիղ բախման գնալ ամերիկացիների հետ: