Էրդողանը շնորհավորել է Միխաիլ Կավելաշվիլիին Վրաստանի նախագահի պաշտոնում ընտրվելու կապակցությամբ

Թուրքիայի նախագահ Ռեջեփ Թայիփ Էրդողանը Միխայիլ Կավելաշվիլիին շնորհավորել է Վրաստանի նախագահի պաշտոնում ընտրվելու կապակցությամբ, հայտնում է Վրաստանի Առաջին ալիքը։

Ինչպես նշել է Էրդողանն իր շնորհավորական նամակում, նա լիովին վստահ է, որ երկկողմ հարաբերություններն ու սերտ համագործակցությունը երկու երկրների միջև կշարունակեն զարգանալ։

Օգտվելով առիթից՝ ցանկանում եմ ևս մեկ անգամ փոխանցել իմ բարեմաղթանքները։ Ձերդ գերազանցությանը մաղթում եմ առողջություն և բարգավաճում, իսկ բարեկամ Վրաստանի ժողովրդին՝ վերածնունդ և երջանկություն»,- ասված է Էրդողանի շնորհավորական նամակում, որը տարածել է «Վրացական երազանք»-ի մամուլի ծառայությունը։