Ինչ-որ արվել եվ արվում է` արվում է ի շահ քաղաքացու. Հայտնի փաստաբանը միասնական տոմսային համակարգի ներդրման դրական եւ բացասական կողմերի մասին

«Այն ինստիտուտը, որը ցանկանում են ձեւավորել քաղաքային իշխանությունները առաջին դեպքը չէ, այն  կիրառվում է աշխհարով մեկ։ Դիտարկելով այդ ամենը համոզվել եմ, որ դա ավելի ցիվիլ է, քան այն ինչ որ հիմա կատարվում է։ Ինչ որ արվել եվ արվում է աշխարհում դա արվում է ի շահ քաղաքացու։ Ինչ վերաբերում է ՀՀ-ին, ապա, իշխանությունը ունի պոզիտիվ պարտավորություն հասկանալու, որ եթե դա լավ բան է, ապա արդյո՞ք դա կաշխատի մեր երկրում, թե ոչ։ Ես համամիտ եմ Ձեր հետ եվ ընդունում եմ, որ որոշակի խավ կամ չի կարող կամ շատ դժվարությամբ են կատարելու դա»,-անդրադառնալով միասնական տոմսային համակարգին եւ դրա հետեւանքներին, ասաց «Լեվ Գրուպ» փաստաբանական ընկերության հիմնադիր ղեկավար, հայտնի փաստաբան ԼԵՎՈՆ ԲԱՂԴԱՍԱՐՅԱՆԸ, ընդգծելով.

-Ամփոփելով միտքս պետք է ասեմ, որ գաղափարը լավն է, բայց պետք է հասկանալ դրա կիրառելը հնարավո՞ր է, թե՞ ոչ։ Եթե հնարավոր է իրականացնել, ապա ողջունելի է, իսկ եթե ոչ ապա տոտալ կերպով խախտվում է քաղաքացու իրավունքները։

-Պարոն Բաղդասարյան, կա տեսակետ, որ այդ կերպ, ըստ էության, արգելվում հայկական դրամի շրջանառությունը ազատ:

- Ես չեմ տեսնում խախտում։ Այստեղ ոչ թե սահմանափակվում է ՀՀ դրամի կիրառումը, այլ այն կիրառվում է այլ ֆորմատով։