Զուրավիշվիլուն բանտ կուղարկե՞ն. Կոբախիձեն մեկնաբանել է

Վրաստանի վարչապետ Իրակլի Կոբախիձե հիշեցրել է, որ Նախագահ Զուրաբիշվիլիի պաշտոնավարմանը մեկ շաբաթից էլ քիչ ժամանակ է մնացել` հույս հարտնելով, որ նա կլքի պաշտոնն առանց քրեական օրեինսգրքի խախտման:

«Նախագահ Զուրաբիշվիլիին մեկ շաբաթից էլ քիչ ժամանակ է մնացել պաշտոնավարմանը։ Այդ ընթացքում նա չի կարողանա շատ բանի հասնել, թեև որոշ եվրոպացի քաղաքական գործիչներ և պաշտոնյաներ ասում են, որ մինչև դեկտեմբերի 29-ը շատ բան կարող է տեղի ունենալ: Այնուամենայնիվ, վստահեցնում եմ, որ քիչ բան է փոխվելու։ Վրաստանում չեն հաղթի ոչ «խորքային պետությունը», ոչ էլ արմատական ​​ընդդիմությունը։

29-ին նա պետք է լքի իր պաշտոնը։ Դեռ հայտնի չէ, թե որտեղ է նա շարունակելու իր կյանքը՝ ճաղերի հետեւում, թե մեկ այլ տեղ։ Կարծում եմ, որ նա բավականաչափ ողջախոհություն ունի, որպեսզի չխախտի Քրեական օրենսգրքի դրույթները։

Եկեք հիպոթետիկ դիտարկենք Մելիայի [Միացյալ ազգային շարժում կուսակցության առաջնորդ Նիկա] ձերբակալության ժամանակ տեղի ունեցածի նման մի սցենար։ Ենթադրենք, նա խրամատավորվում է նախագահական նստավայրում։ Նման արարքը քրեական օրենսգրքով հանցագործություն կհամարվի։ Հնարավոր է, ոչ ոք չի ցանկանա բանտարկել 72-ամյա կնոջը, բայց դրանով նա կզոհաբերի բոլոր նրանց, ովքեր աջակցում են իրեն այս սցենարում: Վստահ եմ, որ նա խելամտություն կունենա՝ զերծ մնալու Քրեական օրենսգիրքը խախտելուց կամ ուրիշներին դա անելու խրախուսելուց, քանի որ նման գործողությունները կարող են հանգեցնել տարիների ազատազրկման»: