Դեկտեմբերի 20-ի լույս 21-ի գիշերը պահված երազանքները ի կատար են ածվում․ Այսօր արեւադարձ է

Ամեն տարի ձմեռային արեւադարձը ընկնում է դեկտեմբերի 21-22-ի միջեւ: Ձմեռային արեւադարձին դիտվում է տարվա ամենակարճ ցերեկը եւ ամենաերկար գիշերը:

Ձմեռային արեւադարձից հետո ցերեկները երկարում, գիշերները կարճանում են: Հին Չինաստանում կարծում էին, որ այդ պահից արթնանում էր բնության «առնական ուժը» եւ նոր փուլ էր սկսում: Այդ իսկ պատճառով ձմեռային արեւադարձի օրը համարվում էր երջանիկ եւ տոնելու արժանի օր: Այդ օրը կայսրերը քաղաքից դուրս էին մեկնում՝ Երկնքին զոհաբերություն կատարելու ծիսակատարության համար, հասարակ ժողովուրդն էլ զոհ էր մատուցում նախնիներին, փոխանցում է  Calend-ը:

Այսօր եւս այդ օրը համարվում է նախնիների հիշատակը հարգելու օր. զոհաբերության համար օգտագործում են տանյուան՝ բրնձի ալյուրից պատրաստված գնդիկներ:  Թայվանում եւս Դունչժիի տոնին նախնիներին թխվածքաբլիթ  զոհաբերելու ավանդույթ կա: Բրնձի ալյուրից խմոր են հունցում, թխում կրիաների, խոզուկների, կովերի, ոչխարների եւ այլ կենդանիների տեսքով թխվածքաբլիթներ, որոնք երջանկություն են խորհրդանշում:

Զոհաբերության ծիսակարգից հետո ընթրիք են կազմակերպում: Ասում են այդ օրը պահված բոլոր ի սրտե պահված երազանքները կատարվում են Աստծո կամոք։