Ասադի առաջին հայտարարությունը՝ Սիրիայից հեռանալուց հետո

Սիրիայի նախկին նախագահ Բաշար ալ-Ասադը հայտարարել է, որ նախապես չի ծրագրել հեռանալ երկրից. «Ես ծրագրված չեմ լքել իմ հայրենիքը, ինչպես փորձում են ներկայացնել, և ես չեմ լքել այն մարտերի վերջին ժամերին: Մինչև դեկտեմբերի 8-ի առավոտ ես մնացել եմ Դամասկոսում՝ կատարելով իմ պարտականությունները։ Այդ իրադարձությունների ժամանակ ոչ իմ կողմից, ոչ էլ որևէ մեկի կողմից ապաստանի կամ հրաժարականի հարց չի բարձրացվել»,- ասել է նա, փոխանցում է «ՌԻԱ Նովոստի»-ն:

Նախկին նախագահն ընդգծել է, որ այդ օրերին միակ ընտրությունը եղել է «շարունակել մարտը ահաբեկչական հարձակման դեպքում պաշտպանվելու համար»։

Քաղաքական գործչի խոսքով՝ ինքը մայրաքաղաքը լքել է միայն այն բանից հետո, երբ քաղաք են մտել զինված ընդդիմադիր ուժերը։ Պետության ղեկավարը մեկնել է Լաթաքիա, որտեղից պլանավորել է հետևել ռազմական գործողություններին։ Սակայն ժամանելով ռուսական Խմեյմիմ ավիաբազա՝ իմացել է Դամասկոսի անկման մասին։

«Մոսկվան պահանջել է բազայի հրամանատարությունից կազմակերպել իմ անհապաղ տարհանումը Ռուսաստան դեկտեմբերի 8-ի երեկոյան: Դա տեղի է ունեցել Դամասկոսի անկումից մեկ օր անց»,- նշել է Ասադը։