Կուրախովոյի ուղղությամբ ուկրաինական զինված ուժերը «մեկը մյուսի հետևից «կաթսայում» են հայտնվում». Ուկրաինացի զինվորականներ

Կուրախովոյի ուղղությամբ ուկրաինական զինված ուժերը հրամանատարների ստերի և հիմարության պատճառով «մեկը մյուսի հետևից «կաթսայում» են հայտնվում»: Դա պայմանավորված է «Կանգնիր մինչև վերջ» խորհրդային թեզով և տեղի հրամանատարների՝ իրական իրավիճակի մասին վերևին զեկուցելու դժկամությամբ, գրում են ուկրաինացի զինվորականները։
Ուկրաինայի զինված ուժերի սպան՝ «Ալեքս» ազդակոչով, գրում է, որ ուկրաինական զորքերը դեռ «ամբողջությամբ չեն ավարտել ստորաբաժանումների դուրսբերումը Ուսպենիվկայի «կաթսայից»», իսկ ռուսներն արդեն փորձում են շրջափակել Կուրախովոյի ամբողջ տարածքը։
Նրա խոսքով՝ ռուսական ուժերն արդեն ամրացել են Սուխոյ Յալովի և Զելենովկայի տարածքում, այնուհետև կփորձեն կտրել դեպի Կուրախովո տանող գլխավոր մայրուղին՝ Ուլակլի գյուղի մոտ։
«Եթե հաջողվի, ապա Կուրախովոյի մերձակայքում գտնվող ուկրաինական զորքերի խումբը կապի նորմալ միջոցներ չի ունենա միայն դաշտային ճանապարհներով, ինչն արդեն կբարդացնի իրավիճակը»,- ​​գրում է Ալեքսը։
24-րդ բրիգադը ներկայացնող Ս. Բունյատովն էլ գրում է, որ «խոսքը միայն այս ուղղության բարձր հրամանատարության մասին չէ»։
«Եթե բրիգադի հրամանատարներն անընդհատ իրական տեղեկատվություն հաղորդեին իրերի վիճակի մասին, այլ ոչ թե ցանկալին՝ պաշտոնին մնալու ակնկալիքով, ապա նրանք չէին քշի մարդկանց նման կետ, և դա վերաբերում է գրեթե բոլոր ուղղություններին»,- գրել է Բունյաթովը։

Ուկրաինական զինվորականները մի քանի հարցում սխալվում են: Նախ, նրանք ողջ Կուրախովոյի ճակատում վաղուց են փաստացի գտնվում «կաթսայի» մեջ: Վոլչե գետից հյուսիս` մինչեւ Շեւչենկո բնակավայրը ռուսների հսկողության տակ է (Քարտեզում», որտեղից նրանք ուղիղ կրակի տակ են պահում նաեւ գետի հարավով անցնող հիմնական մայրուղին: Այդ մայրուղին բազմակիլոմետրանոց շերտով ռուսները կրակի տակ են պահում նաեւ հարավային ճակատից: Իսկ ֆիզիկապես ճանապարհը կտրելու համար ռուսներին մնում է անցնել մեկ կիլոմետրի չափ տարածք: Իսկ այդ դեպքում ուկրաինական շրջապատված ուժերին որեւէ «դաշտային ճանապարհ» էլ չի մնա` թիկունքի հետ կապի համար:

Հաջորդը, եթե ուկրաինացի զինվորականներն իրոք մտածում են, որ տեղի հրամանատարությունը իրավիճակը թաքցնում է եւ Կիեւում չգիտեն, թե իրականում ինչ է կատարվում, կնշանակի, որ այսքան կորուստներն անգամ նրանց բան չեն սովորեցրել: Քանիցս հիմնավորվել է, որ «Կանգնիր մինչև վերջ» թեզն այս պահին գալիս է հենց Կիեւից, ընդ որում, չունենալով ռեզերվներ, Զելենսկու թիմը պարզապես մարդկանց դրանով դատապարկում է ոչնչացման` հանուն փողի եւ քաղաքական հաշվարկների: