Պուտին. «Օրեշնիկի» միանգամից մի քանի հրթիռների օգտագործումը համեմատելի է միջուկային զենքի հետ

Միջին հեռահարության նոր «Օրեշնիկ» հրթիռային համակարգը, որն արդեն հասցրել է լավ ներկայանալ, շատ հզոր զենք է: Այդպիսի մի քանի համակարգերի միաժամանակյա կիրառումը իր ուժով համեմատելի է միջուկային զենքի օգտագործման հետ: Այս մասին ՌԴ նախագահ Վլադիմիր Պուտինը հայտարարել է պաշտպանության նախարարության կոլեգիայի նիստում, փոխանցում է ՏԱՍՍ-ը։

«Օրեշնիկ» համալիրն արդեն ապացուցել է իրեն, շատ հզոր է, ես ուզում եմ նորից կրկնել, գիտեն փորձագետները: Ռազմավարական հրթիռային ուժերի հրամանատարն այստեղ է, նա այդպես է կարծում և ինձ ասաց այդ մասին»,- ասել է Պուտինը՝ հավելելով. «Երբ օգտագործվում են բարդ ձևով, երբ մի քանի համալիրներ օգտագործվում են խմբերով միանգամից, դա իր հզորությամբ համեմատելի է միջուկային զենքի օգտագործման հետ»: