Ինչպես և որտեղ Արսեն Գրիգորյանը պատահական հանդիպեց կնոջն ու օրեր անց նշանադրվեց. բացառիկ մանրամասներ

StarNews-ը հետևեց «Օվկիանոսից այն կողմ» հաղորդմանը, որտեղ հյուրընկալվել  էր երգիչ, երգահան Արսեն Գրիգորյանը։

Արսենը նշեց.

«Ինձ երևի թե դեռ շուտ է այս հարցը տալ, որովհետև ես շատ կարճ ժամանակ է, ինչ Միացյալ Նահանգներում եմ։ Մանավանդ ամիսներ առաջ եմ եղել Հայաստանում։ Հայաստանը՝ Երևանը, իմ տունն է: Շատ տարբեր բաներ եմ կարոտում և շատ բաներ կային, որ չէի սիրում: Ես երբեք չեմ պատկերացրել,որ Հայաստանից դուրս կարող եմ մի տեղ ապրել։ Հիմա ժամամակավորապես գտնվում եմ Միացյալ Նահանգներում, որպեսզի կրթեմ սփյուռքի բալիկներին»։

Խոսք եղավ Ամերիկայի ֆենոմենի մասին.

«Այստեղ դու դատապարտված ես շատ աշխատելու։ Բայց, եթե անկեղծ լինեմ, ես շատ սիրում եմ այս երկիրը՝ հրաշալի երկիր է»։

«Հրաշալի մանկություն եմ ունեցել, ապրել եմ Լենինգրադյան թաղամասում։ Մենք ձորում ամեն օր գետում լողացած սերունդն ենք։ Նորմալ հայկական, երևանյան մանկություն ունեցած երեխեք ենք։ Կռիվ արած, ծեծած, ծեծ կերած։ Ես շատ գոհ եմ: Ամենաշատը ցավում եմ տղայիս համար։ Իմ տղան ինձանից շատ երևանցի է։ Իր կյանքում ընտանիքից հետո ընկերությունն է, եթե ոչ հավասար անգամ։ Տղայիս ամբողջ ընկերները մեր տանը մնում էր քնեին։ Ափսոսում եմ, որ այստեղ փողոց հասկացությունը չկա, երեխանները դուրս գան խաղալու»։

Ինչպե՞ս է Արսենը հանդիպել իր մուսային և որոշել, որ պետք է կյանքը կապի իր հետ.

«Իմ կյանքի ամենաարագ որոշումն է եղել իր հետ ամուսնանալը։ Նա այդ ժամանակ Ֆրանսիայում էր ապրում, ես՝Հայաստանում։ Հանդիպեցի «Երկու աստղ» ծրագրի շրջանակներում։ Ասեցի՝«գալու եմ Ֆրանսիա, կուզես՞ քեզ զանգեմ»։ Ասեց՝«զանգի», բայց ընդհանրապես բան չկար, նոր էինք շփվում։ Ես,որ տեսա իրեն շփման մեջ, թե ոնց է ուղղակի  մարդկանց հետ շփվում, հասկացա, որ ավելի լավ տարբերակ դժվար թե ունենամ: 3ամիս հետո նշանադրություն արեցինք, ամեն ինչ մի տարվա մեջ է տեղի ունեցել։ Ես, եթե էլի ընտրության հնարավորություն ունենայի ,իրեն կնտրեի՝բոլոր լավ ու վատ կողմերով,դժվար ու հեշտ կողմերով։ Ինքը սովորական աղջիկ չի։ Սովորական աղջիկ այնքան կա ՝մեկը մեկից սիրուն, իհարկե  ինքն իմ համար ուրիշ սիրունություն ունի։ Մարդ ում հետ չես հոգնի»։

Հաղորդման վերջում` երգչի մաղթանքը հայրենիքին.

«Կուզեմ,որ իմ երկիրը էլ երբեք պատերազմ չտեսնի»։

Նյութի աղբյուր` https://starnews.am/912729191-4/?fbclid=IwY2xjawHHzV5leHRuA2FlbQIxMQABHYYaFFwvxk4d_v8O05i8CauEL38gNs0TJLZqVv2qa2LzIthKkTvBxm4LdA_aem_VQBB2yosAvnjCVYDIZzRKg