Ահա 2024 թվականի գլխավոր նորարարությունների ցանկը

Popular Science հանդեսը կազմել է գաջեթների, սարքավորումների և տեխնոլոգիաների ոլորտում 2024 թվականի գլխավոր նորարարությունների ցանկը։

Սույն վարկանիշը 1988 թվականից ի վեր կազմվում է ամեն տարի:

2024 թվականին Apple-ի Vision Pro խառն իրականության սաղավարտը ճանաչվել է որպես գլխավոր նորարարական գաջեթ։ Խմբագրության կարծիքով՝ չնայած որոշակի թերություններին, սարքն ուժեղ տպավորություն է թողնում և տեխնոլոգիական առաջընթաց է ներկայացնում։

Նորարար սարքերի ցանկում են նաև Sony A9 III ոչ հայելային տեսախցիկը, DJI Neo դյուրակիր դրոնը, BOOX Palma էլեկտրոնային գիրքը և Qualcomm ընկերության Snapdragon X պրոցեսորները։

«Զվարճանք» անվանակարգում առաջատարը Zildjian ALCHEM-E հիբրիդային էլեկտրոնային-ակուստիկ թմբուկի լրակազմն է: Ավիատիեզերական արդյունաբերությանը նվիրված բաժնում նշվել է Joby ընկերության ջրածնային-էլեկտրական ուղղահայաց թռիչք և վայրէջք կատարող օդային տաքսիի նախատիպը։

«Անձնական խնամք» անվանակարգում գլխավոր գյուտը ճանաչվել է Oura Ring 4 խելացի մատանին, «Ավտոմեքենաներ» անվանակարգում՝ Lincoln կոնցեռնի Nautilus ավտոմեքենայի մեդիա համակարգը, «Ճարտարագիտություն» անվանակարգում՝ Joule Hive ջերմային մարտկոցը, «Սպորտ» անվանակարգում՝ Saga HoloBike մարզասարք- հեծանիվը, «Տուն» անվանակարգում՝ Smart Indoor Pellet Smoker խելացի ապխտարանը, «Արտակարգ ծառայություններ» անվանակարգում՝ անտառային հրդեհների հայտնաբերման FireSat համակարգը, իսկ «Առողջություն» անվանակարգում՝ հաստ աղիքի քաղցկեղի սքրինինգի Shield պատրաստուկը: