Մխիթարյանը` «Բայերի» դեմ այսօր կայանալիք խաղին մասին

Չեմպիոնների լիգայի 2024/2025թթ․ խաղարկության 6-րդ տուրի՝ Լևերկուզենի «Բայերի» հետ խաղից առաջ Հենրիխ Մխիթարյանը խոսել է իր թիմի նպատակների մասին։

«Մենք ձգտում ենք այս մրցաշրջանում կրկնել նախորդի սրդյունքը։ Փորձում ենք խաղալ այնպես, ինչպես նախորդ մրցաշրջանում։ Պետք է շարժվենք քայլ առ քայլ։ Չպետք է շտապենք և մտածենք, թե ինչ է լինելու փետրվարին կամ մարտին։ Այժմ մտածում ենք «Բայերի», իսկ հետո՝ «Լացիոյի» հետ հանդիպումների մասին։ Հետո կտեսնենք, թե ուր կհասնենք։ «Բայերը» շատ ուժեղ է։ Նրանք դա ապացուցել են թե՛ նախորդ, և թե՛ ընթացիկ մրցաշրջանում»,- Մխիթարյանի խոսքերն է մեջբերում FCInterNews-ը՝ հղում անելով RAI Radio-ին։

Նշենք, որ «Բայեր» — «Ինտեր» հանդիպումն այսօր է՝ կեսգիշերին։