Եվրաչինովնիկության դեգրադացիան հասավ ծայրահեղության

Եվրոպական դիվանագիտության ղեկավար Քաջա Կալլասը և ընդլայնման հարցերով եվրահանձնակատար Մարթա Կոսը համատեղ կոմյունիկեում նշել են, որ անկարգությունները դադարեցնելու վրացական իշխանությունների գործողությունները բացասական հետևանքներ կունենան Եվրամիության հետ հարաբերությունների վրա։

«Վրաց ժողովուրդը հերթական անգամ դուրս եկավ փողոց՝ վերահաստատելու Եվրամիությանն անդամակցելու իր ցանկությունը։ ԵՄ-ն խստորեն դատապարտում է բռնությունը խաղաղ ցուցարարների նկատմամբ, ովքեր վճռականորեն պաշտպանում են իրենց եվրոպական և ժողովրդավարական ապագան: Վրաստանի կառավարության այս գործողություններն ուղղակի հետևանքներ կունենան մեր հարաբերությունների վրա»,- ընդգծվում է փաստաթղթում։

Ինչ էլ ասես, ներկա եվրաչինովնիկությունը ծայրահեղ բթամիտների տպավորություն է թողնում: Այսինքն, հերիք չէ, որ արդեն ձանձրալի դարձած մեթոդներով փորձում են «գունավոր հեղափոխություն» առաջ տանել, դեռ մի բան էլ դա խանգարելու դեպխքում վրացական իշխանություններին սպառնում են այնպիսի «պատժամիջոցներով», որից այդ նույն իշխանությունենրը կամովին են հրաժարվել: Այն է, սպառնում են դադարեցնել Եվրամիությանն անդամակցելու բանակցություններն այն դեպքում, երբ պաշտոնական Թբիլիսին արդեն իսկ հրաժարվել է նման ծրագրերից եւ Եվրոպայից եկող ֆինանսավորումից: