Վաղը կփորձենք երեք միավոր վաստակել. Մոտա

ՈւԵՖԱ-ի Կոնֆերենցիաների լիգայի հիմնական փուլի չորրորդ տուրում Հայաստանի փոխչեմպիոն «Նոան» կընդունի իսլանդական «Վիկինգուրին»:

«Նոայի» պորտուգալացի գլխավոր մարզիչ Ռուի Մոտան  նախախաղային ասուլիսի ժամանակ խոսել է առաջիկա հանդիպման մրցակցի մասին.

«Լավ ենք ուսումնասիրել  «Վիկինգուրին», ինչպես անում ենք մեր յուրաքանչյուր մրցակցի դեպքում: Գիտենք նրանց ուժեղ և թույլ կողմերը: Վաղվա խաղում պատրաստ ենք համապատասխան մարտավարություն ընտրել ու լինել խաղի մեջ՝ փորձելով ինչպես միշտ երեք միավոր վաստակել։

Թորառինսոնն ու Սանգարեն իմ տրամադրության տակ չեն, բայց ես այն մարզիչը չեմ, որը կգա այստեղ ու լաց կլինի: Շատ գոհ եմ այն կազմից, որն ունեմ: Մեր կազմում կան շատ խաղացողներ, որոնք կարող են փոխարինել Սանգարեին, ինչպես խաղային նույն ոճն ունեցող, այնպես էլ՝ տարբեր: Հարցն այստեղ խաղի մարտավարության ու խաղային դրվագների մեջ է: Ես շատ գոհ եմ իմ տրամադրության տակ գտնվող ֆուտբոլիստներից: Վստահ եմ՝ այն 11 ֆուտբոլիստները, որոնք վաղը դուրս կգան խաղադաշտ, 100 տոկոսով կներդնեն իրենց ուժերը»,-նշել է մասնագետը։

«Նոա»- «Վիկինգուր» հանդիպումը կկայանա նոյեմբերի 28-ին, ժամը` 21:45-ին։