Մսից հրաժարվելը հղի է մարդու օրգանիզմի համար տարբեր հետևանքներով

Բրիտանացի գիտնականներն անհանգստացած են իրենց երկրում բուսակերության աճի տեմպերի վերաբերյալ, քանի որ մասնագետների իրականացրած հետազոտությունները ցույց են տվել, թե ինչով է հղի մսի օգտագործումից հրաժարվելը օրգանիզմի համար:

Վիճակագրական տվյալները ցույց են տալիս, որ Մեծ Բրիտանիայի բնակչության 1/3-ը հրաժարվում է օգտագործել  միս ու մսամթերք:

Կենդանական սպիտակուցների բացակայությունն առաջացնում է օրգանիզմի աշխատանքի բավականին լուրջ խանգարումներ: Գիտնականների կարծիքով, նախ տուժում են աղիքային բակտերիանները, քանի որ սովորական սննդակարգի փոփոխությունը բացասաբար է ազդում աղիքային միկրոբիոմի կազմի  վրա:

Ընդհանուր մարսողական համակարգը ևս կարող է «հարվածի» տակ լինել, որի հետևանքով մարդը կարող է կտրուկ քաշ կորցնել, որն էլ իր հերթին հանգեցնում է նյութափոխանակության փոփոխման:
Կարևոր վիտամինների անբավարարությունը, որոնք առկա են մսի մեջ, բացասաբար կարող է անդրադառնալ մարդու ինքնազգացողության ու առողջության վրա, քանի որ որոշ վիտամիններ, օրինակ В12-ը մարդը ստանում է միայն կենդանական ծագումով  սպիտակուցներից:

Սակայն բուսակերությունից հետո կրկին մսի օգտագործմանը վերադառնալը ևս հղի է վտանգավոր հետևանքներով, քանի որ երկարատև դադարից հետո մարսողական համակարգը կսկսի դժվարությամբ հաղթահարել կենդանական սպիտակուցների մարսումը: Նման խանգարումը կարող է բացասաբար անդրադառնալ աղիքային միկրոբիոմի ու նյութափոխանակության վրա:

Գիտնականները կոչ են անում հետևել խելամիտ դիետայի, իսկ կտրուկ փոփոխությունները կատարել միայն բժշկի հսկողության ներքո:

Աղբյուրը՝ gogetnews.info