Ռուսական բանակի խոշոր ճեղքում Կուրախովոյում. մարտերը քաղաքի կետրոնում են

Ուկրաինական ուժերն Կուրախովոյում հիմնական վտանգը սպասում էին քաղաքը շրջապատման մեջ վերցնող ռուսական ուժերից: Բայց ահա, եղավ անսպասելին` ռուսական բանակը խորը ճեղքում իրականացրեց Կուրախովոյի ջրամբարի վրայով` դուրս գալով ուղիղ քաղաքի կենտրոն, որտեղ մարտերն արդեն եռում են։

Երեկ ուշ ժամերին հայտնի դարձավ, որ մարտերը քաղաքի կենտրոնում եռում են, իսկ կենտրոնական-հյուսիսային հատվածում գտնվող վերելակային գործարանի հատվածն արդեն գրավել են ռուս մարտիկները։
«Կուրախովոյում մարտերը տեղ-տեղ հասնում են քաղաքի կենտրոնական թաղամասերին, մասամբ ռուսներին հաջողվում է հետ մղել այնտեղից, սակայն նրանք սկսում են նոր հարձակումներ քաղաքի վերելակի գործարանը գրավել է թշնամին»,- գրում է ուկրաինացի զինվորականը՝ «Ալեքս» ազդակոչով։