«Իսկանդերը» կարող է ոչնչացնել Լեհաստանում ամերիկյան բազան. ռազմական փորձագետ

Ռուսական «Իսկանդեր» օպերատիվ-մարտավարական հրթիռային համակարգը, որը տեղակայված է Կալինինգրադի մարզում, կարող է ոչնչացնել Լեհաստանի հակահրթիռային պաշտպանության ամերիկյան բազան Ռուսաստանի և ՆԱՏՕ-ի երկրների միջև ուղիղ բախման դեպքում, ասել է ռազմական փորձագետ Ալեքսեյ Լեոնկովը։

Չորեքշաբթի օրը Լեհաստանի Ռեջիկովո քաղաքում կբացվի ամերիկյան Aegis հակահրթիռային պաշտպանության բազան։ Արարողությանը կմասնակցեն ինչպես ԱՄՆ ներկայացուցիչներ, այնպես էլ Լեհաստանի բարձրաստիճան ղեկավարությունը։ Նախկինում ԱՄՆ բանակը Լեհաստանում մշտական ​​բազա չուներ։

«Այս համակարգը պետք է կատարեր բալիստիկ հրթիռներ որսալու դեր, այն այժմ ավարտված է, սակայն դրա կառուցումը կասեցվել է այն պատճառով, որ Կալինինգրադի մարզում մենք տեղակայել ենք «Իսկանդեր» օպերատիվ-մարտավարական հրթիռային համակարգեր, որոնց թռիչքի հեռահարությունը թույլ է տալիս հասնել այս բազային։ Նախնական արդյունավետությունը, որը նախատեսված էր Ռեձիկովոյի այս բազայի համար, կորցրել է իր արդիականությունը»,- ասել է Լեոնկովը։

Փորձագետը նշել է, որ Լեհաստանի բազայում տեղադրված ռադարն ունակ է հայտնաբերել և հետևել մինչև 300 թիրախ և թիրախավորել մինչև 18 հրթիռ։

Բացի այդ, այն կարող է հայտնաբերել թիրախներ ավելի քան հազար կիլոմետր հեռավորության վրա, և հետևաբար կվերահսկի Ռուսաստանի եվրոպական տարածքի մեծ մասը։

«Բայց կա ևս մեկ առանձնահատկություն: Բանն այն է, որ այն օգտագործում է Mk-41 ունիվերսալ արձակման կայանը, որը թույլ է տալիս արձակել ոչ միայն հակահրթիռային հրթիռներ, այլ նաև Tomahawk թեւավոր հրթիռներ։ Քանի դեռ ինչ-որ բան չի թռչել այնտեղ, մենք չենք իմանա՝ դա հակահրթիռային հրթիռ էր, թե՞ «թեւաբոր հրթիռ, որը կարող է ունենալ հատուկ մարտագլխիկ, այսինքն՝ ջերմամիջուկային մարտագլխիկ»,- հավելել է Լեոնկովը։