Կուրախովո տանող բոլոր ճանապարհները փակվելու շեմին են. Ուկրաինական աղբյուրներ (Քարտեզ)

Կուրախովկայի հյուսիսային գոտում ռուսական բանակը շարունակում է շրջանցել քաղաքը։ Լուրը հաստատում են ուկրաինական աղբյուրները:

«Ալեքս» կոչով ուկրաինական զինված ուժերի սպան գրում է, որ ռուսական ստորաբաժանումներն այստեղ արդեն գրոհում են Սոնցովկան, որը գտնվում է Նովոդմիտրովկայից հարավ։ Արդյո՞ք նրանց հաջողվել է ամրանալ, Ալեքսը չգիտի (հաձողվել է, այս բնակավայրը երկար չի դիմանա)։

Նա նաև հայտնում է, որ Նովոալեքսեևկան արդեն գրավվել է։

Դեպի հարավ, ռուսական զորքերն արդեն մտել են Բերեստկի՝ Կուրախովսկոյե ջրամբարի ափին, հայտնում է ուկրաինական զինված ուժերի զինծառայողը՝ «Մուչնոյ» կանչով։ Նա կարծում է, որ շուտով կռիվներ կսկսվեն դեպի արևելք՝ Ստարիե Տերնիի համար։

«Եթե Սոնցովկայի և Ստարի Տերնիի պաշտպանությունն ընկնի, կարելի է ենթադրել, որ հյուսիսից Կուրախովո տանող բոլոր ճանապարհները կկտրվեն, եւ առայժմ գետից դեպի հարավ միայն մեկ անվտանգ ճանապարհ կա դեպի Զապորոժի»,- գրում է Մուչնոյը։

«Մուչնոյը» ճիշտ է գնահատում իրավիճակը: Այս պահին Բերեստկին (Քարտեզում), որտեղով անցնում են դեպի Կուրախովո տանոց ավտոմոբիլային եւ երկաթուղային կամուրջները, ռուսական վերահսկողության տակ է: Հաջորդ անցումը Կուրախողոյի ջրամբարի արեւմտյան պատվարն է` Ստարի Տերնիում, եւ ռուսների մոտական հարձակումները հենց այդ ուղղությամբ են լինելու:

Մնում է Կուրախովոյից Զապորոժեի ուղղությամբ տանող հիմնական մայրուղին, որն անցնում է Վոլչյա գետի հարավով եւ ունի եւս երկու անցում հյուսիսային ափ` Բոգատիր եւ Կոնստանտինապոլ բնակավայրերի հատվածում: Հենց այս ուղղությամբ էլ ռուսները հարվածում են Կուրախովոյի հարավային ուղղությամբ: Ու շատ նման է, որ Կուրախովոյի համար ճակատագրական այդ երեք բնակավայրերը` Ստարի Տերնին, Բոգատիրը եւ Կոնստանտինապոլը ռուսները կգրավեն մոտակա օրերին, թեեւ ուկրաինական հրամանատարությւունն այս հատված է նետել իր վերջին ռազմավարական ռեզերվները: